4
28 يوم بس وفلسهم ماضل شي على حالهم واحد من عمامي عرض بيته للبيع وخوالي باعو بيت العائلة لان خسرو بالسوك وخسارات فادحه مو شي قليل بالمختصر الي حرك كلشي ووصلهم لهل مرحله خلاهم يفرون باذاناتهم وهمه مايعرفونه كعدهم على الحديدة بهل الفترة وصلهم المرحلة يدكون على روسهم ماعدا محلات ابويه الوحيدة الي ما اتقرب الها ..
73
**
-غياهب: باجر نهاية الشهر الي انطانياه ارسلان  ماعندي اي فكره شسوا بهل الفترة بي جان يطلع مايرجع اله وجه الفجر ابتعد عني اهوايه كلامه محدود ويايه صار وتمر ايام حرف مايحجي ويايه جاي امشي وعثرت التوت رجلي كعدت بالكاع لازمتها بألم ماجان موجود بالبيت وكفت امشي واعرج
دخلت للغرفة الي بيها اغراضنه فتحت جنطته اخذ منها علبة الاسعافات اذكر مره كالي اكو مرهم بيها باثناء ماجاي اطلع العلبة شفت بداخل الجنطه حربه ومنقوش عليها شي حطيت الي بايدي على جهه وطلعتها رفعتها كدام عيوني اباوعلها بقيت مصفنه بالاسم المنقوش عليها جان منقوش عليها اسم "أولـريش"
21
كلبتها على الجهه الثانية منقوش عليها اسم ارسلان وتاريخ ميلاده رجعتها المكانها من سمعت صوت الباب اخذت العلبه وكعدت فتحتها رجلي موتتني بالألم دخل عليه باوع اباوع الحركاته من خلال رجليه ماباوعتله ولا رفعت راسي اجاني صوته ..
-ارسلان: شبيها رجلج ؟
-غياهب: وانه امشي عثرت التوت ما ادري شصارلها
- تأذيج
- اممم
كعد بصف رجلي رفعها بهدوء عطت بصوت متوجعه ..
- شجاي اتسوي
- خلي ادهن المرهم الج بلكي يخف الألم
1
- انه اسويها
- اش
مالي خلك اتناقش بقيت ساكته كاتمه وجعي يدهن بيها وعاضه ايدي اكتم صوتي رفع راسه عليه بعد ما كملها ..
- خلصنه
1
- شكراً
1
مارد عليه ملامحه تعبانه غير عن قبل طلع
من يمي متفاجئه بتصرفاته قبل اذا شافني يضل يذب حجي لو يحجي اي شي بس علمود يسولف ويايه صارله فترة اتغير تحسه صار غير شخص بقيت كاعدة بمكاني
1
مليت من الكعدة سحبت واحد من كتبي وطلعت امشي واعرج جان كاعد يدخن وصافن بفراغ الزاويه كعدت كباله اقوا بالكتاب كل مارفع عيني الكاه يباوعلي حسيت بتوتر من نضراته سديت الكتاب وسئلته ..
- راح تاكلني بعيونك
- نشبع بعيونه
- باجر اخر يوم
- اي
- راح ارجع الاهلي مو ؟
- اي
- وانتَ
- شبيه
- شراح تسوي
- اكمل الي بديت بيه
- وبعدين
- اعيش بذكرياتج
45
نزلت عيوني ونبضات گلبي صارت سريعه
من نبرة صوته الهادئه وكلامه حطيت الكتاب على وجهي اخفي وضعي ..
- ارسلان
- حيلي
- راح تنهيها بالدم
- اي
غمضت عيوني كاتمه غضبي ..
- تدري ماراح اسامحك
- اي ادري
- راح اندمك
- هم ادري
-راح عيونك تدورني وماتلكاني
5
- انه والميت سوا
26
هزتني اخر جملة منه نزلت دمعه مني رفعت ايدي مسحت دمعتي بقيت مخليه الكتاب كبال وجهي ..
1
-ارسلان: تدرين شتمنى
2
نزلت الكتاب من وجهي اباوعله نزلن عيوني على المطفايه مال الجكاير شكد مدخن ..
-غياهب: شتتمنى ؟
- احضنج مره وحده بأرادتج وتبادليني هل الحضن بدون ماتلعب نفسج مني
32
مسح على وجهه وعلى شعره ابتسم تك خد ..
- الماكعد حضه ويا اهله يريد يكعد حضه وياج
46
رجعت الكتاب على وجهي بس بحركة سريعة سحب الكتاب مني كعد كبالي قريب مني عيونه تتفحص تفاصيل وجهي ..
- غياهب
- عيوني
25
ضل ساكت يبلع بريكه كصته تعرقت يغمض ويفتح بعيونه كام من مكانه مبتعد دار وجهه عني ..
3
- حضري غراضج باجر طالعين من هذه المكان
1
ضاك النفس بيه مو هذه الي تريدي غياهب شبيج لا تتنازلين وتمشين ورا عواطفج الي سوا وياج مو سهل صعب مسامحته احتار على شنو اسامح على تصويبه الاختي لو على خداعه لو على تهديداته الي غصبتني اجباري اتزوجه لو الي سوا بليلة زواجنه مدة ايده عليه العذاب الي عشته وياه طول هل الفترة بس كرامتي اهم وادوس على كلشي لأجلها
3
وكفت بمكاني لازم اقنعه مايخلي الدم يجر والله راح تروح ناس مالها ذنب ويصير نهر
من الدم  بين الطرفين محد راح يسكت دخلت ورا ..
-غياهب: ارسلان اترك موضوع الدم صدكني بفعلتك هاي راح تخلي الثأرات تجر راح تروح ناس مالها اي ذنب ماراح تستفاد شي
-ارسلان: ودم ابوي وامي يروح هيج ؟
- اخذه من سالم الباقين مالهم علاقة
- لا اتعبين نفسج باجر بالليل راح تطلعين منا حضرة المحامية 
عافني وطلع بقيت اشيل روحي واركعها من الحركة خايفه من حرب باجر شراح يصير بمنو راح يختم ثأره رجفت شفتي خوف وانه اتخيل يختم الي بده بيه بـ ابويه
طول لليل مانمت التفكير اخذ حيز مني راسي كاد ينفجر تعبت بتفكيري وانه انتظر باجر وشنو بالضبط الي راح يصير ماجنت ادري بيه راح يصدمني ويصدم الكل بفعلته ..
26
مانمت للصبح بقيت كاعدة بالصالة وهَوُ يسبح طلع من الحمام بدل ملابسه طلع جنطته حطها على الميز يجهز بنفسه رجلي ورمت كوه امشي عليها ..

وكفت استندت على الحايط الي جدرانه رطبه رحت اسحل بنفسي  وكفت كدامه وهَوُ واكف لازم سلاحه حطه بخصره والحربه الي منقوش عليها أولريش ..
- اشوفك تجهز بنفسك لازم اعلنت الحرب
اتقدم الي واكف كبالي لزمني من حنجي ..
- صار وكت الدم بالدم
15
صفنت بعيونه مابيها شي يدل هذه بشر ولاول مره خلال هل الاشهر الي مضيتهن هنا احجي بنبرة توسل ..
- لا تسويها
1
- سنين صارلي منتظر هل للحضه واليوم اجه وكتها .. حضرة المحامية لو طالبه غير شي مارديتج
گلبي صرت ما اكدر اسيطر على نبضاته شهكت النفس نزلت دموعي وانه اباوعله ..
- مامبري الذمه اليوم الدين على كلشي واح اتسوي
تغيرت ملامحه كله فكه كام ينبض واكدر اشوف هل الشي ماحجه شي عافني وطلع كعدت بالكاع منهاره بالبجي راح ارجع انكسر اليوم صرخت بصوت عالي حسيت حنجرتي اتجرحت بهل اليوم بجيت اهواي حيل اهواي بس البجي يفيد لا مايفيد بشي
2
صرت اكح بقوة من كثر البجي حسيت اريد اتقيئ ركضت للحمام بقيت اتقيى روحي جاي تطلع غسلت وكل اجزاء جسمي ترجف رجعت المكاني كعدت هدوء تام مستوطن المكان ماكو اي صوت الهدوء الي جان اكدر اوصفه اشبه بهدوء يوم العاشر من المحرم من يصيب هل اليوم هدوء وتباوع للجوء وتحس بخنكه
7
حطيت غراضي بجنطتي وروحي ميته بقيت بس جسد بدون روح دموعي مابطلت نزولها اذا صار شي الابويه ما ابقى عايشه اموت والله لو خوالي الي بمثابة ابويه ما اكدر اختار بينهم شراح اتسوي يالاعرج ..
4
للمغرب اسمع اذان المغرب اذن بس الصوت موقريب كلش بس يوصل النه وكفت اتوضه كل حيل ماعندي اليوم غياهب خلت الضعف ياخذها وكفت اصلي واطلب من رب العالمين العون والقوة اذا عندي نقاط ضعف بالحياة همه اهلي ماعندي غيرهم
كملت صلاة سجدت بعد الصلاة دموعي نزلت بغزاره ..
- يارب دخيل اسمك انتَ ماترد عبدك من يطلبك بحاجة طلبي منك لا تخلي يسوي هل الغلط
نمد على السجاده لامه رجليه الصدري دموعي تنزل بهدوء بقيت اهواي على هل الحاله انفتح الباب عيوني مغوشه من دموعي بدأت تتوضح الرؤيا عندي عيوني مارمشت من المنظر الي كدامي نزلت دموعي اكثرر
من شفت الدم بايده صرخت بصوت رج المكان الي احنه بيه ..
2
-غياهب: لاااااا
رفعني من السجادة يمسح بايده الي مابيها شس على وجهي ..
-ارسلان: دخيلج اهدي
3
ملخت روحي تملخ ابجي بحركة واصيح ..
- سويتهاا ارسلان سويتهااا كتلتمن دم منوو على ايددددك
حطني على السجاده مثبت ايديه على صدري ..
- اسمعيني بس ..
- مجررررم شنوووو فرررقك عن سالم وعيااش هم كتلو ابرياء وانتَ مثلهم الله ياخذك عساك بجهنم
2
حيلي انهد تعبت باوعتله بتعب بلع ريك رفع راسه بعد ماجان منزله باوع لعيوني بتركيز يريد يحجي ومتردد گـلبي فرفح زفر نفس متحسر حجه وصوته يرجف ..
-ارسلان: ماسويت شي غياهب ماكتلت احد وكفت عيونج كدامي ماكدرت ماكددرررت
65
نزلت دمعه من عينه وكعت على خدي بقيت صافنه استوعب الي حجاه كلامه صار يتردد بعقلي يمسح بدموعي بابهام اصبعه ..
- افرحي غياهب افرحي كدرتي تفوزين
على الاعرج
5
" بسببج خسرت اكبر حرب جنت مخططلها من سنين "
39
شهك بدموعه الي اختلطت بدموعي ويحجي من صدمتي بكلامه احس الدنيا اتوقفت هنا بهل للحضه على هذه الموقف حط ايده جوه راسي باسني بعيوني المتروسه دموع همس بصوت مبحوح رجف كل ذره بجسمي ..
1
- احـبج گثر ما بگلبي شوغا
للحكايا بقايا .. »

  تصفح

تسجيل الدخول سجّل اشتراكك


أنت تقرأ

وتيرة الاعرج
غموض / الإثارة
حقيقية: بقلمي حوراء السعيدي غـريب ومُـرعب شيطان عندما يبتسم يكون خلف ابتسامته الغريبه خفايا لايُعلم بها غيره يمتلك القسوه ليس قابل للاصلاح عقله يحثهُ على الاستمرار في مسيرة الضلام اعتادت روحه على الظلام منذ الطفوله صراعه مابين ماضيه وحاضره ح...

#اكشن #الاعرج #انتقام #غياهب #لغز #وتيرة


الوتيرة السادسة والثلاثون
87.7K 6.7K 3.1K

بواسطة hawraalsaidi
وتيرة_ الاعرج
بقلم : حوراء السعيدي
5
حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂hawraalsaidi

4
-غياهب: ضاع الكلام مني اربط الساني العيون والنضرات جانت تحجي كلشي بهل الدقائق كلشي جاي يصير صدمه بالنسبة الي
8
حجيت بصوت مبحوح اثر صراخي ..
- الدم ؟
1
رد بهدوء وعيونه تارسها الدمع متمركزه بعيوني ..
3
-ارسلان: لا تخافين ماكو شي من الي ابالج
1
- لعد شنو هذه الدم
- كومي نغسل وافهمج
1
ماترددت ولا رفضت اريد افهم گلشي عقلي ضرب ايرو من الي جاي يصير وكفني أشرتله انه امشي وحدي ابتعد عني نزعت حرام الصلاة الي صار كله دم من ايده حطيته على جهه وهَوُ واكف منتظرني طلعت للحمام كدامخ اغسل وايديه يرجفن اريد افهم كلشي معقوله جاي يحجي الصدك وما أذه احد
6
غسلت درت وجهي شفته واكف يم الباب والدم ينكط من ايده طلعت دخل هُوَ قبل لا يرفع ردن القميص التفت الي ..
- روحي اكعدي هسه اجي
1
- اريد اعرف قصة الدم
هز راسه ساكت رفع ردن القميص شهكت حاطه ايدي على حلكي من المنظر جانت ايده مجروحه جرح بالطول معدتي كلبت من الدم درت وجهي ..
13
- شبيها ايدك
- طلعت قهري بايدي ماجان كدامي حل
17
- انتَ جرحت نفسك ؟
9
- اممم
5
سكتت وافكر من كل عقله اذه نفسه بسبب قهره وعصبيته بهيج جرح طلع كدامي حاط المنشفه على ايده يوقف النزيف كعدنه اثنينه ساكتين اريده بس يحجي روحي راح تطلع فرفحت بين ماحجه ..
2
-ارسلان: جنت رايح المنطقة اهلج وقافل على النهاية النيه اخذ ثاري
8
ابتسم بخفه وعيونه بايده ..
- الماهزه شي بالدنيا هزته عيونج حضرة المحامية
27
- منو جنت رايد تكتل ؟
- واحد من خوالج وابوج
49
توسعت عيوني ..
- ابويه ؟؟؟
6
- اي ليش اجذب عليج
5
وكفت كدامه وجسمي كله يرجف نبضي احسه براسي ..
3
- بسس وهَوُ شعليههه
1
- ابن عياش .. عياش نفسه الي كتل ابوي حسين
8
- يا سلام على التفكير
3
- غياهب انه ماعفت انتقامي راح اخذه لو بعد الف سنة
5
طبكت حواجبي مافاهمه مقصد كلامه ..
- وضح
- باجر تعرفين كلشي
- جاي تلعب عليه ارسلان شنو ماكتلتت احد وشنو فزتي عليه وهسه تكلي ماعفت انتقامي
3
- لا ماعاش الي يلعب عليج بنت سلطان انتِ تلعبين مدينة بأكملها ومحد يلعب عليج
16
- بدت تتلف اعصابي فهمني الخاطر الله
1
- اخر مره قبل لا اطلع منا لاول مره من شفتج وشفتيني ماتنازلتي الي ولا حجيتي بيوم بتوسل كرامتج مخليتها فوك كلشي .. اي شي يبذر مني ترجعي الي اضعاف بس اليوم لاول مره حجيتي بنبرة توسل من كلتي لاتسويها هيه جملة وحدة بس اثرها ضل بيه رفعت سلاحي على ابوج وهَوُ واكف يم باب بيته بكل مره اريد اضغط على سلاحي عيونج تصير كدامي ماكدررت اول مره احس نفسي عاجز وضعيف جبت حياتي كلها دايس على گلبي ومشاعره الماكدروله الكل انتِ كدرتيله
15
يحجي بس مايحط عيونه بعيوني مدنك ورجفة صوته الواضحه ..
3
- خلي نطلع غياهب
- وين ؟
- اهلج ينتظرونه بالبيت
2
- اهلي
- اي
بدون ما ارد دخلت بدلت وكل ذره بجسمي ترجف گلبي نبضاته مامستقره شلون راح تكون مواجهتنه وهمه مايعرفون غير نص الحقيقة راح يزيد غضبهم من ارسلان بعد مايسمون سبب زواجنه
6
زفرت نفس بعمق وروحي متلوعه طلعت شفته واكف يلف بايده بشاش أشرلي انتظر دخل غير ملابسه واخذ اغراضه جنطتي بايدي طلعنه جانت الدنيا ليل راد يصعد شفته مو بوضع يكدر يسوق بسبب ايده ..
-غياهب: اذا تحب اكدر اسوق بمكانك
-ارسلان: شلون وانتِ ماتندلين هذه المكان
- عادي انتَ تدليني وانه امشي
1
هز راسه بقبول انطاني مفاتيح السيارة حطينه. جنطتنه ورا صعدت كدامه وهَوُ اجه صعد يمي بالصدر التفتت بوجهي للبيت الي كضينه هل الفترة بيه شكد انحفرت ذكريات بيه فزيت على صوته وهَوُ يسئل ..
- ليش ترجفين ؟
2
- لا ما ارجف مابيه شي
- اذا تحسين تريد تجيج النوبه عوفي
انه اسوق
شغلت السيارة وعيوني للكدام ..
- بالعكس مرتاحه راح التقي بأهلي
1
- خوش
طلعنه من المكان اسوق وهَوُ يدليني بالطرق بس موتتني رجفة صوته جان كل تركيزي بيها الطريق كله ساكتين بس من يريد يدليني على الطريق يحجي بسس اخخ يارجفة صوته الي نهتني ..
9
-ارسلان: بعد كملي الطريق انتِ تعرفي

- اي .. ايدك شلون صارت
- مابيها شي
- اتأذيك
ذبله حسره وهَوُ يگول ..
- لو الاذيه بالجسم جان كدرنه نتعالج بسهوله بس من اتصير اذيتك بروحك صعب تعالجها
12
- فعلاً
2
طلع جكارة يدخن عيونه على الجامه تحسه انسان منتهي باقي بس جسد مافكرت راح يجي يوم الي اشوف ارسلان بهل الضعف شخصيته تخليك تفكر هل الانسان عديم كلشي ومايكسره شي ..
4
- غياهب
- عيوني
20
- وكفي السيارة
وكفتها على جهه مستغربه من طلبه نزل
من السيارة وكف على جهه لازم گلبه يسحب بالنفس مغمض عيونه نزلت ورا اشوفه ..
3
- بيك شي ارسلان
بقى ثواني فتح عيونه ..
1
- هاا غياهب مابيه خلي نرجع اتأخرنه
رجعنه واباوعله حتى مشيته صارت مامتوازنه صعدنه مكملين طريقنه الي ممكن راح يشتق لطريقين جان المكان الي جنه بيه بعيد عن بيت ارسلان ف استغرق وقت يلا وصلنا ..
2
وكفت السيارة كدام البيت وسيارة درغام وابويه واكفات نزلنا دخلنه الداخل البيت وكلشي ميت بيه دخلنه للداخل جان الكل موجود حتى خوالي جابر وعمران ودرغام حنين وكفو يباوعون علينه اجتني حنين حضنتني بكل لهفه اشتياق ..
2
حضنتني توأمي نبجي همست ..
1
-حنين: غياهب
-غياهب: صغيرونتي
2
- مشتاقتلج ياروح اختج
- اكثر ياروح اختج
عيوني على ابويه الواكف وعيونه لمعت بدموعه سلمت على العلويه ما ادري شعجب طالعه هم بس مليكة وناز ماموجودات من ضمن المجتمعين ..
وكفت متردده اروح الابويه بعد اخر لقاء النه بس لحضات هيه وفتحلي ايديه رحتله امشي بخطوات ثكيله ومبعثرة ذبيت نفسي بحضنه ممصدكه بعد تعب ومعاناة اشهر كدرت اشوفه ..
10
-سلطان: نضر عيني
1
نزلت دموعي بهدوء حاضنته بكل قوتي اريد اضم نفسي جوه جنحه ماريد شي غيره ..
2
-غياهب: بابا
- عيون ابوج وگلبه هديتي حيلي بغيابج
3
- مشتاقتلك ياحبيبي
باسني براسي بكل حنيه الامان تلكاه بحضن اهلك التفتنه على صوت ارسلان ..
1
-ارسلان: السلام عليكم
1
ردو السلام ماعدا ابويه ودرغام سلامهم بارد وياه كعد الكل .. والكل على وجهه ملامح التسائل ..
حجه خالي عمران مبتسم ..
-عمران: خير ان شاء لله شنو سبب هاي الجمعه احنه اجينه بس ماعندنه فكرة
11
-سلطان: علمي علمك خويه
-جابر: خير ان شاء لله احد يفهمنه
وكف ارسلان طلع سلاحه حطه بالنص بقى واكف بمكانه يوزع بنضراته عليهم ..
2
-ارسلان: هسه تفهمون كلشي يا خوال مرتي
2
-درغام: استعجل افضل لان متحمل على اعصابي
5
باوعله خالي جابر مستغرب من كلام درغام
رد عليه يسئله ..
-جابر: شجاي يصير
- هسه هَوُ يفهمنه يابه اتوقع صار الوكت الي الكل يعرف حقيقتك ارسلان
حط ايديه ورا ظهره رفع راسه بكل شموخ ولا نفسه الي شفته بالسيارة بدأ يحجي وصفن الكل بكلامه ..
2
-ارسلان: لكيتو الي حرك املاك اخوانكم
1
-عمران: لا .. تعرف شي ؟
- مو اعرف انما انه السبب بكلشي
6
وكفو خوالي اثنينهم وابويه ودرغام بقو على كعدتهم عبالك يدرون هز بايده درغام ووهَوُ يكول ..
-درغان: ها عمي شكتلك مو كتلك هَوُ ورا كلشي
1
-جابر: احد يفهمنه شجاي يصير
رجع يكمل ارسلان بكلامه ..
- كلشي صار من حريق باملاكم انه سببها انه بايدي حركت كلشي يخص اخوانكم وابهاتكم
2
-عمران: انتَ ؟؟؟
1
- اي نعم انه
1
دار وجهه خالي الابويه والخالي جابر ..
- شجاي يحجي هذه
ابتسم ابويه باستهزاء ..
-سلطان: العدو المجهول نفسه ارسلان
1
كبت الهوسة وهَوُ واكف ببرود يحجي ..
-جابر: شنوو السبب الي خلاك تسوي كل هذه تدري بسببك افعالك الناس صارت تنام جوعانه
-ارسلان: انه واخواني هم بيوم من الايام نمنه بهذه الشكل
-عمران: سلطان نسيبك شجاي يحجي
ابتعد عني ابويه لزمتني حنين همستلي ..
-حنين: راح تكب دخيلك ياربي
2
-غياهب: لزميني حنين بعد ما اكدر اوكف على رجليه
بقت لازمتني وهمه يتصايحون بينهم خالي عمران لزم ارسلان يتعارك وياه ..
-عمران: منووو انتَ احجيي
-ارسلان: واحد رجع ياخذ بثأره
- ثأر شنوو
-ثأري اهلي الي اهلكم سببه
- اهلكم ؟ شتعني بكلامك
ومنا بدأت تنفتح دفاتر الماضي وكف وحجالهم كلشي وهمه صافنين من قوة صدمتهم خالي عمران رجع مرتد للوراء ..
2
-جابر: ابوي وعمي كتالين اهلك
-ارسلان: وسبب مرض اختي وسبب كلشي عشناه
عاط درغام ..
-درغام: بسسس مو معناها تدخل غياهب بالنص هيه شكو تدخلها قلة زلم ماتاخذ حكك منهم
4
بقى ارسلان ساكت متاكدة يعرف هل النقطة شما يبرر الها محد يعذره ..
-ارسلان: اذا انتَ بمكاني ماتوقع راح تحط ناس على جهه وتكول مالهم علاقة وانتَ داخلك مليان عبارة عن حقد وانتقام انزرعن بيك وانتَ طفل
-سلطان: شنو الي اتريده ارسلان بالضبط
1
باوعلي بنضره خاطفه وكمل بكلامه ..
- انتقامي ما راح اعوفه بس خلو ابالكم شي واحد
-عمران: شنو ؟
شال سلاحه بايده ويأشر عليه ..

- اقسم بالله العظيم وبكلشي خالقه طاهر اقسم بالماوصلت اجدامي الهم ولا شافتهم عيني سالم انه كتاله وين ما الكاه وانتقامي اخذه
26
وانه من هل لحضه سحبت نفسي من كلشي يمكن لو كاتل احد بيكم ضميري ما ارتاح واعيش بعذاب اكثر من عذابي هسه
1
-درغام: وشتريد انسامحك هسه
1
-ارسلان: ماطالب اي سماح من احد جمعتكم اوضحلكم هاي النقطة
-جابر: انتَ السبب بموت عمي عياش والسبب باصابة حنين والسبب بحرك كلشي يخص ولد عمي واخواني واخذت بنتنه بالخداع
- اي انه السبب بكل هذه بس اتلاحكت نفسي وماغلطت اكثر وما اشوف نفسي غلطان بس باشياء اثنين الي هنه اصابة حنين جانت بالغلط تصدكون ماتصدكون والشي الثاني غياهب
-عمران: يعني طول هل الوكت عدونه كدامنه وبينه وماندري عاشت ايدك سلطان متاكد جنت تدري
2
-سلطان: بنتي جانت عنده مامستعد اخاطر بيها بسبب ابوك وابوي كافي الي دخلت بيه بسببهم
3
-درغام: حنينننن
كمزت حنين من مكانها على صوت درغام
من صاح باسمها ..
-حنين: ها درغام
- صار وكت تحجين شنو الشي الي هدد غياهب ببه ارسلان وجبرها تتزوجه
7
باوعتلي حنين حايره ..
- غياهب شسوي
-غياهب: احجي دام انكشف كلشي
اتقدمت حنين تحجي بصعوبه ماهاين عليها ..
-حنين: ارسلان هددها اذا ماتزوجه راح ..
-سلطان: يكتلنه
- لا
باوعلها ابويه مستغرب ومفاهم شي ..
- چا شنو ؟
- هددها اذا ماتزوجه راح يتزوجني الي ويخرب شغل درغام كله وممكن ينفصل حتى عن شغله
7
اتوسعت عيون الكل على كلامها بينما انه بعد ماكدرت اعين نفسي كعدت على القنفه رجليه يرجفن ..
-درغام: شـ شنوو شجاي تحجين
-حنين: هذه سبب زواجهم الي بذاك اليوم محد سمعه منها
لحضات هيه ودرغام هجم على ارسلان يريدون يسحبونه منه ماكو كُميل وعمر وخالي جابر كوه سحبوه شك حاجبه خلاه ينزف ابويه واكف على وكفته وجهه صار مايكصه السيف اتقدم الارسلان وكف كباله ..
3
-سلطان: لعبت بينه اهواي وهسه صار وكت تنتهي هل للعبة
-ارسلان: المطلوب ؟
التفت عليه ابويه يباوعلي وعيونه حمر وجهه جملته الي قلبت كل الموازين ..
1
-سلطان: طلك غياهب وهسه
10
ضل ارسلان صافن بيه ضحك بسخريه ..
- اطلكها ؟؟؟
2
- اي اطلكها
- مرتي اريدها وما اطلكها
12
عته ابويه من ياخته لزكه بالحايط يحجي ووهَوُ كاز على اسنانه ..
- لا تخليني ارتكب جريمة بيك هسه
- لو تموتني ما اطلكها
- مو بكيفك
صار واحد يتحدا الثاني بالكلام وخوالي بعدهم بصدمة الي سمعو حجه خالي ..
-عمران: انه راح اتصل بالشرطة يجي ياخذونه
1
-ارسلان: دليلك وين ؟
24
خلاهم يصفنون لان محد عنده دليل عليه سحبني ابويه من ايدي راد نطلع لزمه ارسلان ..
- وين ماخذها
دفعه ابويه بقوه عنه ..
- ما اخليها ثانية عندك سويتها قبل وعفتها يمك بس مستحيلل ارجع اكررهل الغلط
- مرتي ؟
1
- بالخداع
بلع ريك باوعلي بنضرات تتوسل ..
6
-ارسلان: ما الك حق تاخذها
1
-سلطان: ادوس على القانون وعلى كلشي لأجل بناتي
3
- خليني احجي وياها بس دقائق
1
- اي كلام مايربطكم بعد
- مووو بكيفكككك
1
-عمران: حتى حكك خربته بعمايلك
1
عاط بصوته ..
-ارسلان: ماراح اطلك لو تنشلع عيونكم
1
-سلطان: واذا هيه طلبت هل الشي بنفسها
باوعلي بعيون حايره من الجواب حجه بصوت مخنوك ..
6
- الي تريده هيه يجرالها
1
التفت الي ابويه وكل ثقة ..
- يلا غياهب اخلصي من كلشي اطلبي الطلاك
بلعت ريكي وانه حايره بالموقف الي انه بيه ..
8
-غياهب: اكدر احجي وياه شويه
- ليش تحجين وياه شبقى هَوُ وتحجين
3
- الله يخليك بابا بس شويه
بعد توسلات واقناع يلا قبل طلعت كدامه امشي بالحديقة وكفت اجه بلهفه لزم ايدي ..
2
-ارسلان: ماراح تعوفيني مو والله اعوضج
عن كلشي بس لا تروحين غياهب
80
سحبت ايدي منه رجعت خصلات شعري الي واكعات لكدام ورا اذني وابلعم بكلامي ..
7
- خلي كلشي ينتهي ارسلان
- لا غياهب دخيلج والله اموت من بعدج
23
- ما تموت الي كدر يتحمل ماضي مؤلم وشلعان گلب وضيم كل هل السنين راح يتحمل هل الشي هم
3
نزلت دموعه وهَوُ يگول ..
3
- حتى انتِ راح تسوينها وتعوفيني
100
- ما اكدر ابقى وياك كافي لهنا والحمدلله ماسويت غلطتك الي جنت مصمم عليها
4
- بسببج .. انتِ السبب بتغير كلشي
- الحمدلله جنت سبب بهيج شي والا الدم وصل للركب خوالي الله اليعلم شنو راح يسون
1
لزم وجهي بين ايديه ..
- بس ما اذيتهم الهم انه ماكتلتت احد بس حركة املاكهم الي من فلوس الحرام
2
- ما ادري شنو الحكم الي راح يحكمو عليك بس ابويه واضح شنو حكمه
- يريد يحرمني منج وياخذج مني
18
- بعمري ماجنت الك ولا راح اصير ابدي حياتك من جديد ارسلان كدامك وكت انتَ اتأذيت اهوايه بحياتك انطي نفسك حقها
5
- ابديها اذا انتِ وياي
1
- مستحيل يجمعنه شي بعد

- ياوجع گلبي من حچاياتج
50
- خلي كلشي ينتهي اليوم
ضغط على معصم ايدي بقوة ..
- ولجج شنو الي ينتهي جاي تنهيني بكلامج
17
غمضت عيوني وانه منتهيه كوه واكفه على رجليه جنه واكفين على جهه محد يكدر يشوفنه رفع ايديه الوجهي ..
- راح يموتني هل الهدوء الي بيج باوعيلي بعيونج غياهب
1
هزيت راسي برفض اريد احضنه اريد احجيله الي بگلبي بس ما اكدر اهوايه اشياء تمنعني فز گللبي من لامست شفته شفايفي باسني بهدوء فتحت عيوني عيونه متروسه بدموعه ابتعد عني قليل بعد شعري ونزل راسه حطه بركبتي يسحب نفس بقوة ضغطت بايدي على ملابسي ليش ماجاي امنعه ليش رايده هل القرب هل المره
4
جسمي مات من طبع بوسات بهدوء على ركبتي واحس بدموعه تنزل حط راسه على كتفي ..
- الي تريدي يجرالج أولريش
36
جانت اكو مغسله بجهه وكف يغسل بوجهه وشعره سحب المنشفه المحطوطه بصفها مسح وجهه فتح اول دكمتين من القميص يفرك بصدره بقى لدقائق على هل الوضع دكمهن ورجع عليه ..
- راح تطبقين كل كلامج الي حجيتي قبل
6
- اي
- تعاي
مشيت بخطواتي الثكيلة وانه امشي كدامه روحي جاي تموت على البطيئ دخلنه جوه ومحد طايق ارسلان ماعدا اهله وحنين الي ملامحها تختلف عنهم ..
1
-سلطان: شصار ؟
حجيت بدون ما ارفع عيوني واباوعله ..
-غياهب: هايهيه بابا راح ينتهي كلشي
اجه ارسلان وكف كدامنه انه وابويه منتهي ماضلت عيون ما انتهت ابتسم بخفه وثبت ايده على الميز يمنع نفسه من السقوط ..
3
-ارسلان: غياهب
انقبض گلبي من نبرة صوته غمضت عيوني وروحي انتهت كلها دقائق وانتهى كلشي لحضات من اصعب للحضات الي مريت بيها بحياتي ..
-غياهب: هاا ارسلان
فتحت عيوني وحررت دموعي الي رجعت تنزل بدون ماتتوقف دنك راسه عاض شفته ذب حسره وهَوُ ينطقها رفع عيونه قابلته بابتسامة خفيفه ودموعي يحركن خدي أشرتله بعيوني ينطقها وهَوُ عيونه ماتريد ينطقها بس استسلم للأمر الواقع ونطقها ..
3
- انتِ طالق...
87
عم الهدوء بالمكان قابلته بابتسامة منكسره ماجانت كلمة عاديه مثل الرصاصه الي صوبت گلبي درت وجهي على الكل حجيت بغصه ..
10
- انتهينا انتهى كلشي
13
صارت عيوني على غرام وحنين المصعوقات من الي صار طلعت كدامهم بجسد ميت روحي التاركتها هنا وكلشي .. انتهو ارسلان وغياهب وانتهت قصتهم لهنا طريقنه اشتق وكل واحد بينه صار بطريق مختلف ..
58
-حنين: ماجنت متوقعه ارسلان راح يعوف غياهب بهلسهوله بس اختي ماتركت اله اي حل وكلام ابويه ماجنت اريدهم يطلكون ردت ينحل كلشي بالتفاهم بس مو كلشي نريده يصير
5
رجعنه للبيت واختي هادئه حتى مدمع عينها جف يحجي وياها ابويه ماتحجي حجيت وياها نفس الحاله وصلنا للبيت نزلت تمشي بهدوء وكل روحه مابيها طافيه انفتح الباب لاكتها خالتي بالباب بس غياهب صارت انسانه من الجليد ببرودها دخلت كدامنه صاح وراها ابويه ..
2
-سلطان: غياهب
دارت وجهه اله ..
-غياهب: ها بابا
ركض عليها حضنها طاحت بيه ايديه ..
- نضر عيني انتِ سامحيني بابا لان مديت ايدي عليج بذاك اليوم بدون ما افهم
3
شهكت بدموعها تبجي ضامه وجهه بصدر ابويه ساكته ..
- محد بيكم حس بيه ليش ليش
7
دمعت عيون ابويه ..
- حقج والله حقج
اخذتها خالتي صعدتها رحت ورا ابويه الي دخل هُوَ وخوالي للصالة وروحي محتركه حرك عليها ..
-حنين: بابا ليششش خليتهم يطلكون ليششش
3
-سلطان: ليش تريدين اختج تبقى ويا هيج شخص شوفها نجوم الظهرر
2
- كسرتهم اثنينهم بابا انتَ جبرتهم على هذه الطلاك ارسلان اختي ليش محد بيكم فهم
16
-عمران: عوفي موضوع اختج هايهيه انتهى موضوعنه هسه عنه وعن عمايله وكلشي سوا
1
- شبيكك خالييي صدك تحجيي جاي اكلكم كسرتوهم عاف انتقامه بس علمود اختي
2
-درغام: ماعاف شي حنين كال هو كتال الجدي سالم
- حقه
صفنو كلهم عليه وعلى كلامي ..
- اي حقه ياخذ انتقامه من اجدادي وغلطه جان بس من دخل الكل واتلاحك نفسه حرك الاملاك طززز بالاملاك وبالفلوس وبكلشي
6
انتم كضيتو عمركم واكفين ويا الحك ليش هسه تغيرتو جاوبوني ؟
1
صاح بيه ابويه ..
-سلطان: حنيننن صعدي الغرفتج
- راح تتندمون والله
- على شنو نتندم ولج واحد مثله جبر اختج تتزوجه تحت تهديد وشلع اضفرها ومد ايده عليها مامهتم لأي شي حركه وحتى ابوي بكبره مامهتمله كل واحد ياخذ جزاته واذا هسه كدامي ويكتل عمي سالم هم ما اهتم لان ادري بيهم مجرمين وامي تشهد عليهم
4
ولج انه مشكلتي حرك روحي على بنتي اشهر وانه لا ليلي ليل ولا نهاري نهار بسببه رفعت ايدي عليها لاول مره هاي جابر وعمران. يريدون ياخذون حكهم منه خلي يروحون حكي خذيته الي هُوَ من اخذت بنتي منه حتى لو يحبها ماعترف بحبه ويحلم يشوف اضفر منها للموت ..
7
صفنت عليهم محد جاي يفهم الموقف ارسلان غلط بس اتعاقب عقاب شديد صعدت الاختي قبل لا ادخل للغرفة سمعت صوت الماي بالحمام عرفتها جاي تسبح كعدت انتظرها وگلبي واجعني على اخر نضرات صارت بين ارسلان وغياهب

35
طولت بالحمام خفت لا صارلها شي طلعت دكيت الباب اجاني صوتها مبحوح ومبين جاي تبجي ..
-غياهب: هسه اجي
رجعت للغرفة انتظرها شويه ودخلت ورايه لافه البرنص عليها عيونها مورمه حمر فتحتلي ايديها حضنتني ..
- ليش قبلتي بالطلاك
- سواء هسه او بعدين هل الشي راح يصير
2
- بس يحبج ارسلان
1
- الحب مو كلشي اكو اشياء ننجبر ندوس عليها علمود نكدر ناخذ القرار
1
- تحبي غياهب ؟
سكتت مانطت جواب لسؤالي اخذت المشط وكعدت على الجربايه ..
-غياهب: تعاي مشطيلي
اخذت المشط منها كعدت امشطلها واباوعلها ضعفانه حيل الهالات الجوه عيونها اثر التعب النفسي الي هيه بيه ..
-حنين: راح تتخطين
- جرح من جروح گلبي صار
- ابويه وخوالي صارو انانيين كرهت تصرفهم
8
- زين منهم وهيج موقفهم لو ما اجدادي مجرمين جان شفتي ردت فعل اقوى
- هاي اذا سكتو لان مدخنين من العصبية هسه
ردت ببرود ..
- مايهمني شي بعد
2
كملتلها تمشيط شعرها حطت راسها على مخدتها ..
- اشتاقيت لكلشي بهل الغرفة تدرين
- من رحتي لليوم كل فترة انظفها
ابتسمت بخفه والحزن تارس ملامحها ..
- صايره نادره چفوصي
2
بستها بخدها ..
- ممكن ماتكتمين
- مابيه شي بس اريد انام ارتاح تعبانه
1
- تمام
طفيت الضوء الي بالغرفة وطلعت ادري بيها جاي تكتم وماتريد تبين انكسارها نزلت جوه شفتهم كاعدين بعدهم يحجون بالموضوع صارت بوجهي خالتي ..
2
-وجدان: ها خالاتي شلون صارت اختج
- شلون صارت يعني اصلا سالفة الطلاك الي صارت كلها غلط بغلط وانه ويا ارسلان
17
- اسكتي لا يسمعونج كلهم صايرين طكه ونص من اعصابهم
- خلي يسمعون بلكي يرجع عقلهم براسهم
اجه صوت درغام ..
-درغام: عقل منو ؟
رديت بدون اهميه من قهري منهم ..
-حنين: عقل كل واحد اتفق على هذه الغلط تحسسوني انتم لو جنتو بنفس الموقف راح تسكتون اكص ايدي اذا ماسويتو الاكثر
11
- تريدين اختج تبقى ويا واحد مثله
- اي اريد لان عرف غلطه
2
اتقدم الي خازرني صارت خالتي بنصنه ..
-وجدان: لا تفضحونه امي
-درغام: عمه فهميها زين لا تضل تمسلت وحدها
7
- ما امسلت انه بس تضوجون من احد يحجي الصراحه
3
سحبتني خالتي للمطبخ وعفته بركان
من عصبيته صار ..
1
- شصار خاله شنو اتفقو الشيوخ مالتنه
1
هزت خالتي راسها بيأس ..
- ابوج يكلهم انه مالي علاقة بالسوا لان صدك ابوي وعمي كل شغلهم الواضح بالحرام فحركه لكلشي مابيه غلط بس انه مشكلتي وياه من صوب حنين ودخل غياهب بالنص
- شكالو خوالي
- خوالج حايرين باجر راح يروحون يحجون ويا عمتي ام سلطان لان سلطان كالهم اجت امي وحجتلي عن حسين
- بلكي يفهمون لعبت روحي من هل الحياة احتار انقهر على اختي الي اتاذت بدون ذنب لو على ارسلان الي ماشاف يوم حلو بحياته
- احجيلي شصار هناك
كعدت حجيتلها كلشي صار هناك وهم انكسر خاطرها على ارسلان انه مو شغلة صافه وياه هَوُ غلط وغلطه جبير بس اتمنيت يفهمون الي هُوَ بيه محد بينه يسكت من يتعرض لهيج شي ومايبقى عقل براسك يكلك هذه صح وهذه غلط ..
19
راحو خوالي وابويه صعد الغياهب لكاها نايمه بقى طول لليل كاعد عندها بالغرفة الثاني يوم نزلت وراسي مسطور سطر شفت غياهب واكفه تحضر بالريوك عضيت شفتي بيأس وقهر ماجاي تعيش حزنها ولا تنطي نفسها الوقت الي تطلع الي بداخلها ..
2
دارت وجهه شافتني ابتسمت بعيون ذبلانه حزينه ..
-غياهب: صباح الخير
-حنين: صباح الخيرات
- شويه ويكمل الريوك غسلي وجهج وتعاي
- لعد وين بابا وخالتي
- طلعو يجيبون صمون من الفرن هسه يجون
7
دخلت للحمام اغسل وكفت انشف بوجهي هل الفترة لا اهتمام ولا عناية لنفسي مالي خلك الشي من ورا المصايب رجعت الها شفتها محضره الريوك مثل عادتها كلشي مرتب ونظيف لان هيه من النوع الي مهووس بشي اسمه نظافه وترتيب عكسي انه
دخلو خالتي وابويه الي ابتسامته انرسمت مجرد شاف طول اختي حط الشغلات الي جايبهن على جهه وباسها براسها قابلته هيه بابتسامة كعدنه كلنه نتريك ..
-سلطان: الحمدلله من رجعت هاي لمتنه
-حنين: رجعت سعادتنه على حساب غيرنه
51
راد يشرب الچاي من سمع كلامي رجعه المكانه يباوعلي رافع حاجبه والواضح كلامي ما اتقبله ..
1
- كلشي صار البارحة المفروض من زمان يصير بابا الموضوع هايهيه انسد ومالنه علاقة بشي بعد
5
ابتسمت صفح عفت الريوك ووكفت ..
- الف عافيه اتريكو انه ماشتهي راح اروح الدوامي
9
عفتهم صعدت ابدل علمود اروح الدوامي وبالي يم. خوالي شنو الي راح يسونه خايفه لا يضلون هم. يدورون حكوك وثارات ..
1
راحو البيت جدي عياش وهنا طلعت المصايب كلها طلعو اجدادي مو جريمة وحدة مسوين الي مخبلني شلون بحبوبتي جانت تدري بكلشي وساكته رجعو خوالي مشعوطين ويصيحون وجهونه تصخمت كدام الناس كعدو اتناقشو بموضوع ارسلان الى ان لكو حل والكل اتفق عليه بعد ما اتناقشو بينهم

اتفقو يروحون الارسلان وينطونه الخبر
غياهب مادري شلون اوصف وضعها عاشت ايام من اصعب الايام الي مرت بحياتها بس بعدها فاجئتنه بتغيرها بدأت تظهر الاثار الي على ايدها وماتضمهن مثل قبل جانت ماتهتم السوالف العناية صارت هيه تجبرني نسوي وياها هل الشغلات ..
8
-حنين: غياهب ماسئلتي خالي مجيد شلون مات
-غياهب: مايهمني
- مات حرك بمعمله
التفتتلي والماسك بوجهه ..
- حرك بمعمله ؟
- اي والحريق احد متقصد مو هيج يعني مو قدر لا واحد حاركه متقصد
رجعت للمرايه صافنه مثل الي تفكر ..
- تتوقعين ارسلان ورا هل الشي ؟
- ما ادري بس وهَوُ ماحجه بيوم مارجعج بس اعترف بالباقيات
- كلشي اتوقعي من ارسلان بس شوشتي عقلي شلون مجيد بنص المعمل وارسلان مايسوي شي اذا ممتاكد منه
1
- مادري
هزت براسها تنفض الافكار من عقلها ..
- كافي هايهيه ماريد افكر باحد بيهم انه بديت حياتي من الجديد
1
مالحيت وياها كملنه وطلعنه لليل كاعدين ودرغام انه وياه علاقتنه متوتره بسبب انه من ينجاب طاري ارسلان واحجي رأيي يضوج وغياهب لاحظت هل الشي هم حجت ويايه بس ماكدر ينرفزني تفكيرهم رغم اكبر منهم بس عقلي مرات احسه احسن من عقولهم ..
12
-غياهب: بابا انه قررت اسافر
8
فاجئتنه بقرارها حتى ماحجت بيه وهيه طول هل الاشهر ماطالعه من البيت ..
-سلطان: وين تسافرين
- لبنان دام بديت من جديد احاول اغير كلشي بحياتي واتخطاه نفسي الها حق عليه
- بس بابا ما فهمت تسافرين سياحه لو شنو
- لا استقر هناك
16
باوع ابويه بعدم رضى ..
- لا ما اكدر افاركج انه يضل بالي يمج غياهب
- حبيبي اجي زيارة ما اكطع بس ماحابه ابقى هنا
- تريدين تشردين تخافين تشوفين ارسلان
- بابا ارسلان شعليه ماضي وانتهى بالنسبة الي انه بديت من جديد جاي اعيش النفسي
3
-حنين: لا تسافرين هسه عود بالاول حضري عرسي بس كون محد يموت
-غياهب: اكيد ما اسافر اذا ماتتزوجين
ضل الايام ابويه رافض الموضوع وغياهب تقنع بيه لما كلش كدرت عليه وقنعته بس يبقى السؤال اختي فعلاً تخطت لو فعلاً مسافره تتهرب من ماضيها من ارسلان ؟ ..
9
**
-
غرام: راحت غياهب بس خذت روح ارسلان وياها هيه واهلها طلعو من الباب وارسلان وكع عندنه اخذو للمستشفى للفجر يلا رجعو عمر وكُميل منتهي لازمينه من الجهتين ويمشون بيه
3
رادو يدخلونه للغرفة مالته ماقبل طلب يبقى بالصالة هنا جانت كسرة ارسلان بفراق محبوبته وغياهب طبقت كلامها من كالت راح اخلي يبجي ورايه وفعلاً صار هل الشي ومن كالت اخلي يعض اصابعه ندم وفعلاً عضها ..
24
-كُميل: ليش ما تنام بغرفتك هنا ماترتاح بالنومه
حجه بتعب وصوت مغلف ببحه نزلت دموعه ..
7
-ارسلان: كلشي بالغرفة يذكرني بيها
9
-عمر: من البداية كتلك عوف هل الانتقام راح تحرك روحك بيها بس ماخذت بالحجي وهاي شفت بعيونك شلون احتركت
2
- اطلعو وعوفوني وحدي
طلعنه كلنه بقى كُميل واكف يم الباب يباوعله كلنه مقهورين على وضعه ..
-كُميل: بحياتي ماشفت ارسلان بهل الحاله ماجنت ادري حابها لهلدرجة
1
-غرام: ما ادري كلامي وكته او لا بس موتشوف الطلاك مو حل
5
- غرام چا شتريدين من اهلها يسون لو انه بمكانهم هم ما اخلي بنتي عنده الي سوا ارسلان غلط بغلط والحمد لله ماغلط اكثر
3
- حسيت غياهب مارادت هذه الطلاك بس فضلت كرامتها على گلبها
4
- الي مثل غياهب تدوس على كلشي علمود كرامتها
3
اذن اذان الفجر رحنه توضينه وصلينه دكيت الباب على عمر طلع ومبين وضعه هم تعبان ..
-عمر: اتفضلي
-غرام: اذن الفجر اجيت اكلك علمود تصلي
- اي هسه
سئلته بخجل واحراج شويه ..
- انتَ بخير
- لا والله مرت خالي مو بخير روحي متكطعه على اخوي ومابيدي شي
4
- ارتاح وصلي الله كريم كلشي يهون ان شاء لله
طلع يتوضه رحت اشوف ارسلان اذا نام جان الباب مفتوح منه شويه اجاني صوت قصيدة مشغلها كلماتها خلت دموعي تنزل جبر ..
ورجوتُ عيني أن تكُف دموعها
يومَ الوداعِ نشدتُها لا تدمعي
اغُمضتها كي لا تفيضَ فأمطرت
ايقنتُ أني لست املكُ مدمَعي
ورأيتُ حلماً انني ودعتُهم
فبكيتُ مِن ألم الحنين وهَم معي
مراً عليّ أن اودع زائراً
كيفَ للذين حملتهم في أضلعي ..
54
جانت مقطع مو طويل بس ارسلان ضل يكرر بيه مغمض عيونه والضوء مشتغل اباوعله دموعه تنزل بهدوء رجعت الغرفتي ميته قهر على الوضع الي وصله بس كلشي من ايده جان ..
6
ايام مرت وارسلان على نفس الوضع صحته بدأت تتراجع وضعفت حتى مليكة حجت وياه ماجان يرد على احد لليل يخلصه تدخين وهل القصيدة بكل ليلة اسمعها مشغلها مرات يكعد وحدة بالصالة ومطفي الاضويه ومرات يكعد بالحديقة يحجون عمر وكُميل مايفيد
اله بيوم من الايام كاعدين كلنه نحجي وياه لان اتغير كلش واندك باب البيت طلع عمر يشوف منو شويه ورجع گال ..

-عمر: خوال غياهب وابوها هنا
بسرعة ارسلان نهض من مكانه وبدون اي تفكير سئل ..
-ارسلان: غياهب وياهم ؟
9
باوعله عمر بنضرات حزينه ..
- لا ارسلان بس خوالها وابوها
1
ملامحه رجع غيم الحزن عليها طلعو كلهم يشوفون ليش جايين بقيت كاعدة يم ناز الي بالنهار تبقى مكابله ارسلان وكاعدة حتى لو مايحجي وياها شي ..
-كُميل: ربحنه بالجماعة ودخلو وجنت لازم گلبي لا تصير الشغله ثارات كعدنه كلنه وارسلان تحسه ميت مو بعالمنه ..
4
-جابر: احنه اجينه وراح نخلي حد الكلشي
حجه ارسلان ببرود ..
-ارسلان: حد الشنو بالضبط ابو درغام
- احنه متنازلين عن كلشي وابوي مالنه اي علاقة بيه من اليوم
2
باوعلي ارسلان مستغرب من كلامه ..
- يعني تتنازلون عن ابوكم
2
وكف عمران يحجي وهل الرجال يعجبني بحچاياته ..
-عمران: ابوي وعمي مامسوين بس هل الجريمة بحياتهم للأسف اكتشفنه اهوايه شغلات وهنا مابقى عندنه حل انتَ حر تريد تاخذ حكك بالعشائر والعادات احنه جاهزين تريده بالقانون هم جاهزين بس ابوي متبرين منه دنيا واخره
5
نط ارسلان بسرعة يحجي بعصبية ..
-ارسلان: ياقانون هذه تحجون عنه سالم موته على ايدي وقسمت بعظمة الله
-سلطان: هايهيه ارسلان بعد مابقى اي شي يربطنه بيك
طلعو الجماعة مجرد حجو ذني الحچايتين وحتى غريب واحد يتبرأ من ابوه بس سالم قذر فشلهم وسود وجوهم كدام العالم والي يصدمك مو بس جريمة حسين اكو بعد جرائم مشترك بيها لهل السبب ورا فترة وصلنه خبر العشيرة اتبرت منه ومالها علاقة بيه حتى لو انكتل اي ثار مايدورون ورا ..
17
-غرام: دخلو الولد وحجه كُميل الي صار ضلت مليكة تحجي ويا ارسلان وتكله عوفه وخيولي بس ارسلان بقى ثابت على كلامه وين مايشوف سالم يكتله
4 اشهر مرت ماكو شي بحياتنه جديد الولد ياخذون ارسلان من ينزل مجاز من دوامه علمود يغيروله جو بس ماكو فائده روحه يم محبوبته ضعف حيل اكله موذاك الاكل حتى الي يحجي وياه يجاوبه من ورا خشمه وانه دخلت بشهري ماباقي شي لولادتي جهزتله من كلشي فوك مشراته انه وكُميل عمر يجيب ويحط حتى صرت احتار وين احط الغراض اندك باب غرفتي لبست حجابي وفتحته اتفاجئت من شفته ارسلان ..
2
-ارسلان: اعتذر لان جاي ادك الباب عليج مرت خالي
ابتسمت بوجهه ..
-غرام: لا عادي خويه اتفضل
عض شفته منحرج ..
- عندج رقم غياهب الجديد لان القديم يطلعلي مغلق
6
- هو عندي بس خاف ماتقبل انطي
- انطينياه وانتِ مالج علاقة بشي
- اسئلك سؤال تجاوبني بصراحة
- اتفضلي
- انتَ ماجاي تراقبها معقوله
ذبله حسره ..
- اراقب شلون ما اراقب بس ماتطلع من البيت خبلتني خلتني اتحسر على خيالها واعض اصابعي ندم على كلشي
4
- راح اجيبه الك
ابتسم بأمتنان دخلت للغرفة كتبتله الرقم انطيتهياه ..
- ممنون منج علويه ما انسالج هل الجميل
- تدلل
راح فرحان وهَوُ بايده الرقم هَوُ انه ادري بيها غياهب ماتطلع من البيت لان هم عده الطلاك وهم حسب كلامها اخر مره من حجينه ماتريده يلمحها تريد تندمه على كلشي سوا وياها ..
15
لليل نايمين واحس صار عندي ألم بالاول غلست عنه بس بعدها ماكدرت صار الم قوي عندي كعدت كُميل ..
-غرام: اخخخ يمههه
-كُميل: شبيج غرام
- يمكن طلوك صار عندي
2
- ياطلوك من اسبوع يم الدكتورة كالت بعد
من حرت روحي والالم عطتت بيه ..
- جاييييي اكلكككك اطلككك انتتتتت ماتفهممم اخخخ يمههه
14
نزل من الجربايه متوتر فتح الباب مادري وين راح شويه ودخلت مليكة الي وهَوُ وكف يبدل ..
-مليكة: ولك يلا يمه البنيه راح تموت
-كُميل: يمه شبيج ادري تطلكين وياها انتِ مو لعبتن بيه انطني صبر ابدل
23
بدلتلي مليكة ولفتلي حجابي لبست عبايتي وروحي احسها جاي تطلع من الألم شكد الم الشهريه قوي بس مايجي بعدال الم الطلوك ناز بليلتها جانت عند انسام بدأت تتعود على اختها شالني حطني بالسيارة مد راسه عمر من الجامه مال السيارة ..
9
-عمر: حاط ابو فاضل عليه الي مايسمي ابنه عليه
60
-كُميل: راح انعل استغفرلله ولي منا
- يلا جاين وراكم انه وارسلان
- ترا طلوك مره مو عرس هَوُ
12
- عادي غير ابن خالنه راح يجي نسويله استقبال خاص
7
صاحت بيهم مليكة وانه كاتمه صوتي استحي منهم ..
2
-مليكة: ولك يمه امشي وانتَ عمير انه اعلمنك
2
ابتعد عمر يضحك طلعنه للمستشفى ملخت روحي تملخ بين ماوصلنه للمستشفى دخلوني فحصتني الدكتورة كالت لازم عملية بسرعة لان عندي مشاكل وقع كُميل على الموافقه بدلولي للبس الخاص بالمريض ودموعي تنزل خايفه طلعوني وهَوُ يمشي وراي هم خايف يمسح. بدموعي ..
1
-غرام: خايفه كُميل
-كُميل: لا تخافين عيناي ان شاء لله تطلعين بالسلامه ياروحي
- حباب اذا صارلي شي مو تضرب ابني لو تصيح عليه
15
- انجبي حبيبي شهل حجي مايصيرلج شي

7
ضحكت الممرضه على طريقة كلامه ..
- اخاف اموت والله خايفه
- عياره زايده
32
- مو صوجك عود جاي تواسيني هاي
3
قربنه ندخل لصالة العمليات باس راسي ووهَوُ يوصيني اقرأ بايات وادعيه وادري بيه خايف اكثر مني بس جان يريد يوخر الخوف مني دخلوني لصالة العمليات والخوف متملكني ماحسيت على شي بعد ماخدروني ..
-ارسلان: خالي شبيك
-كُميل: خايف عليها ارسلان
- ان شاء لله تطلع بالسلامة العلويه طيبه
رب العالمين مايقصر
- ان شاء لله ان شاء لله
-عمر: تسمونه على اسمي لولا
26
- اسمي نعال ولا اسمي عليكم
21
رد ارسلان مبتسم ..
1
- يعني شنصيحلك ابو نعال
85
- الله يطيح حضكم ولد اخت انتم
4
ضحكو اثنينهم وامي كاعدة تدعيلها بعد وقت طلعوها من العمليات ولو مبقينها جوه ولا الفضايح الي صارت ..
21
دخلوها بغرفة خاصة بيها دخلنالها جانت نايمه كعدت وهيه تبجي وتون كعدت بصفها وهيه تبجي ..
-كُميل: ها علويتي الحمدلله على سلامتج
عاطت ..
-غرام: شكوو بطنيييييي
58
- اي ادري شيكوها قابل يحشوها الج غير طلعو ابنه
6
تحجي ومغمضه عيونها فاصله عن كلشي ..
- ابنه يشبهمن
- بعدنه ماشايفي شويه ويجيبونه
- اسمي ارسلان
20
كمز عمر من مكانه ..
1
-عمر: مع الاسف عليج علويه خيبتي ضني بيج هُوَ انتِ شفتي من ارسلان. بس الخرعات انه جنت حباب وياج بعتيني بسرعة
20
-ارسلان: مالك علاقة هيه تريد تسمي على اسمي
5
- والله فلا اخليها تسمي على اسمك هاي العايزه هَوُ واحد وبالعينه كوه
كفخه ارسلان على ظهره بقوه ..
- ابنها وبكيفها
-غرام: كموله
23
حكيت طارف حاچبي دنكت عليها ادري بيها راح تچفص ..
- علويه بداعت جدج محمد لا تچفصين
2
- كموووله
6
- ولج هاا
- ارسلان خذه رقم غياهب مني
42
غبك كصته ارسلان بعد ماشافنه باوعناله ..
-ارسلان: يرحم والديج اسكتي فضحتينه
11
- شوو يصيح عليه هذه منو هذه اسحله كمولتي اخخخ بطنيي
15
-عمر: كموله وكمولتي طلعن خالي طلعن
36
-كُميل: مو اكوملك ماخلي عظم صاحي بيك
اجت امي تتحمدلها بالسلامه وهم لو ضاله بمكانها ولا جايه ..
9
-مليكة: بنيتي حبيبتي الحمدلله على سلامتج يتربى بعزكم ودلالكم
-غرام: خاله ابنج ليش يكلي البسي احمر
من ننام
277
غص عمر بالضحك كعد بالكاع لازم بطنه ارسلان وجه احتقن وهَوُ ضام ضحكته طلع من كل الغرفة بدون مايحجي ..
16
-عمر: اليوم الفضايح بفلس
8
ردت اشك هدومي من ورا التجفيص مالتها حتى سوالفنه بالغرفة طلعتهن للصبح يلا طلعت من هل الحاله جابو ابنه ماماخذ اي شي مني يشبه امه نسختها حتى شكار شعرها ابيض مثل الكطن حطو بحضنها وفرحتي من فرحتها ..
6
-غرام: حطو ابني بحضني شعور حلو تصيرين ام بسته بخفه وهَوُ يتحرك بهدوء دمعت عيوني من شفت رزق رب العالمين وعوضه
1
رفعت راسي للكل واكفين مبتسمين علينه ..
-غرام: شنو انسمي
بعدهم ممجاوبين كلنه باوعنه الاثر الصوت الي اجه من الباب ..
-غياهب: السلام عليكم
50
كلنه بقينه صافنين اباوع الارسلان عيونه حتى ماترمش من من شافها بلعك ريك وهَوُ يشوفها من بعد اشهر كدامه رد الكل عليها اجتني مبتسمة سحبت كرسي كعدت بصفي بعد ما كُميل وخر من يمي وابدا ماباوعت الارسلان الي اكلها بنضراته ..
10
-غرام: فرحتيني بجيتج بس شلون عرفتي
-حنين: ست چفوصي هنا تداوم وشايفتكم
من سائله كايليلها حالة ولادة واجيت اتباركلج
10
- تعبتي نفسج
- تعبج راحه شو انطيني هل الحلو
اخذته حطته بحضنها تضحك ..
- يشبهج علويه
- هههههه اي هم كالو
- الحمدلله على سلامتج
- الله يسلمج لعد حنين ليش ما اجت
- عندها شغل كالت بس يصيرلها مجال تجيج اذا لحكت
- براحتها
- اوويي غرام شنو هذه ابنج ينكرط شوفي الادينات
5
بوسته بايديه فتحت جنطتها حطتله دلاعه استحيت منها بس هيه العادات هيج يخلون دلاعه للطفل مثلاً فلوس او هداية ..
10
حطته بمكانه اباوعلها حليانه وسمنانه شويه رافعه شعرها ولابسه فستان والي جذبني الاثار الي بايدها ماشايفتهن قبل بنفس للحضه باوعت الارسلان جانت عيونه على الاثار مبتسم راحت المليكة حضنتها وتبوس بيها ..
12
-مليكة: بعد عيوني بنيتي شلونج
-غياهب: الحمدلله ملوكه مشتاقتلج
سلمت على عمر وكُميل صارت كبال ارسلان مد ايدها اتصافحه ..
- شلونك ارسلان
نزلت عيونه على ايدها رفع ايده ترجف صافحها ..
3
-ارسلان: صرت بخير
20
ابتسمت بخفه دارت وجهه الي مادري اذا هيه بهل الاشهر فعلاً تخطت او شنو الي عاشته او يمكن تتصنع كلشي جاي تسوي لبست جنطتها على متنها ..
-غياهب: اترخص منكم لازم اروح
-ارسلان: مستعجله
5
دارت وجهه عليه وصدمتنه بكلامها من كالت ..
1
- صح لان جاي امشي بشغلات سفري
1
صعقته بالخبر طبك حواجبه وهَوُ عيونه بيها..
- تسافرين ؟؟
5
- اي راح اسافر طالعه من العراق للأبد
162
للحكايا بقايا... »
اذا تسئلون ليش طفرتي بالاحداث 4اشهر
ف ماصار شي مهم وقوي بيها اكتفيت بشرح البنات ..


توقعاتكم ..؟

  تصفح

تسجيل الدخول سجّل اشتراكك


أنت تقرأ

وتيرة الاعرج
غموض / الإثارة
حقيقية: بقلمي حوراء السعيدي غـريب ومُـرعب شيطان عندما يبتسم يكون خلف ابتسامته الغريبه خفايا لايُعلم بها غيره يمتلك القسوه ليس قابل للاصلاح عقله يحثهُ على الاستمرار في مسيرة الضلام اعتادت روحه على الظلام منذ الطفوله صراعه مابين ماضيه وحاضره ح...

#اكشن #الاعرج #انتقام #غياهب #لغز #وتيرة


الوتيرة السابعة والثلاثون
98.8K 6.6K 2.1K

بواسطة hawraalsaidi
وتيرة_ الاعرج
بقلم : حوراء السعيدي
7
حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂hawraalsaidi
2

بقيت واكفه اباوعله بنضرات تبينله ماكو شي يكسر غياهب وراح تعيش وتدوس على كلشي  مسح على كصته بايده وهَوُ يسئل ..
9
-ارسلان: وحدج ؟
3
-غياهب: اي وحدي
- ابوج قابل يعني
2
- اي
هز راسه ساكت بس الواضح الموضوع شكد ازعجه رجعت على غرام وابنها ..
- شنو راح تسمونه للطفل
-غرام: ما ادري بعدنه
-غياهب: شعجب لحد الان ممختارين اسم
من زمان عرفتو هَوُ ولد
- انه اريد اسمي ارسلان
3
باوعتلها تك عين اضحك بصمت ..
- لا كافي واحد عندكم غيرو شويه
-ارسلان: سمي انتِ معناها
التفتت اله واباوع للكل ..
- انه ؟
- اي مو اسمي مايعجب
4
- انه ماكلت اسمك مايعجب
4
-كُميل: سمي انتِ خالي
9
رديت مستحيه منه لان كال سمي انتِ ..
- اممم بس شنو انسمي مو ابالي اسم محدد
-غرام: عندج وقت تفكرين اذا ممستعجله هههههههه ابقي فكريلنه بـ اسم
1
- نسمي سراج ؟
45
- كلش حلو
1
- هايهيه ام سراج صار اسمج بعد
8
صارت فرحة بداخلي الله يستر عليه ابنهم ويحفظه يخبل ابيض وشعره لونه مثل امه اذن باذنه ابوه وثبت اسمه وهنا جانت ثمرة حب العلويه والخال هَوُ سراج الي نورهم بحياته ..
8
طلعو الكل حتى ام كُميل بقينه انه وياها رفعت راسها تباوعلي مبتسمة بعيونها الخضر ..
-غرام: هههههه صرت ماما ممصدكه
3
-غياهب: تستاهلين كل الخير انتِ ثمرة التعب والمعناة الي عشتيها الحمدلله رب العالمين رزقج نتائج صبرج
1
- اختي ما اجت لحد الان
- هيه كالت تجي
- اي
- يمكن عالكه بالازدحامات بعد بغدادنه معروفه بازدحاماتها
2
- اي صح اكيد على جيه هسه .. احم غياهب
- عيوني
- انه سويت شي واتمنى ماتزعلين مني
- ان شاء لله مابينه زعل بس شنو هل الشي
ملامحها جانت محرجه مني ومثل الخجلانه ..
- انه انطيت رقمج الارسلان من طلبه مني
- جنت ادري راح يصير هيج شي وانجبرت اجذب عليج واتوقع صار وكتها اعترفلج بيها
- مافهمت بشنو جذبتي خيه
- جذبت عليج وكتلج انه وارسلان زواجنه تام وكتلج لازمه عده وهيه اي عده ما الي لان ماصاير بينه شي وخليتج تحلفيلي ماراح تحجين بالموضوع الاحد
1
ضلت صافنه بوجهي ضميري يأنب بيه
من ذاك اليوم بس انجبرت ..
- بس ليش جذبتي عليه غياهب
- علمود مايصير لقاء بينه غرام انه ادري بيج عاطفتج بالاكثر تتحكم بيج وكتلج لزمت عده  علمود ماتطلبين لقاء مني لان بس التقي بيج ارسلان راح يجي او يضحك على عقلج ويخليج ترتبين لقاء النه
3
- لعد همزين سويتي هل الشي
طبكت حواجبي مفاهمه ..
- مافهمت
- لان ردتكم تلتقون وتتفاهمون يمكن اكو امل ترجعون
3
- لعد همزين جذبت هيج جذبه
- هَوُ ماشايفج من يوم المحكمة مو
2
- اي
3
- تعبان ارسلان غياهب
- وراح يتعب اكثر
- صدك راح تسافرين لو حجيتي هيج تقهري
1
- لا والله صدك اسافر ورا زواج حنين
1
- شلون راح تعيشين وحدج صعبه
1
تحسرت حسره اذت گلبي ..
- ليش علويه هَوُ اكو شي سهل بالحياة بس مجبورين نتعايش ويا كلشي
2
دخلت اختها سوزان سلمت علينه ودعتها وطلعت هسه ارتاحيت من حجيتلها جنت انام واكعد والسالفة تاكل بگلبي لان جذبت عليها شفتهم واكفين ومليكة وعمر ماموجودين ..
2
-كُميل: ها خالي رايحه
1
-غياهب: اي ابو سراج
- شلونج ان شاء لله مرتاحه
2
- الحمدلله
1
- يستاهل الحمد
- ناز شلونها وضعها ماكو تحسن
- لا والله نفس الشي بس انه اكلج بدت انسام تاخذها يمها شويه تتعود عليها
- حلو ان شاء لله مع الايام تتشافى وهيج خطوة تفيدها تحسن من وضعها
2
- اي الدكتورة هم كالت هيج الله كريم
- اترخص منكم
عفتهم واكفين وطلعت من المستشفى خابرني ابويه ..
-غياهب: ها بابا
-سلطان: كملتي لو بعد من الجماعة
- اي هسه طلعت منهم
- هاا ومنو جان موجود
- الكل بابا
- ارسلان موجود
4
- اي
- وليش بقيتي غياهب
- اشهر وانه اتهرب كافي لهنا واحنه انتهينا فطمن گلبك
سديته منه صعدت بسيارتي طلعت من مكان المستشفى امشي بالشارع ونضراته طبعت بعقلي .. طلاكنا جان صحيح بعد ماتاكدنه من كلشي والشروط الي تتطلب بالطلاك موجودة  بنفس الشهر اطلكنه محكمة وخلص كلشي ماماطلنه بشي واعتبر حالي حال الفاسخه خطوبتها

4
دام اكو شهود فالطلاك صحيح وبيوم المحكمة حاول يحجي ويايه بس ابويه جان اله مثل السيف وماسمحله بشي وتم الطلاك بالشكل الصحيح وارسلان من طلكني مايكدر يرجعني مثل باقي المتطلكين بفترة العده يصير الهم رجوع بسهوله جنت اشوفه من يجي يراقب البيت في سبيل يلمحني بس سجنت نفسي هل الاشهر كلها اعيد ترميم نفسي واتعايش ويا الوضع ..
7
عشت ايام اكول عنها من اسوء الايام الي عشتها بحياتي بكل ليله قبل لا انام اعيش بتناقض مابين گلبي وعقلي تمرضت الايام بجيت اهوايه بس جنت ابجي على نفسي الي ماشافت الراحه بحياتها
3
بجيت على گلبي الي حب شخص اذاني واذاه شنسالك يا ارسلان اذا اسامحك على غلطه ماكدر اسامحك على الثانية
4
ايام وانه عشت الـ اه والويل شهكاتي ودموعي الي اكتمها بكل ليله اخاف احد يسمعني انهار بكل ليله واكعد الصبح اضحك واسولف وماحسس احد شنو الي جاي اعيشه
6
اخر يوم شفته بيه جان بالمحكمة نفسه اليوم الي انتهى كلشي بيه بجيت بجي بهذه اليوم الى ان ورمت عيوني بجيت بگلب محروك ومكسور مهضوم من الدنيا وناسها
1
وهايهيه البجي مافاد ولا المرض فاد اليوم مجبور تقوي نفسك وتعيش حياتك ماتوكفها على الحب مو كلشي بالحياة ومو كلشي يستحق المسامحة ..
1
حسيت على دمعتي الي نزلت بهدوء ابتسمت مستهزئه وانه احجي ويا نفسي ..
- عليمن تنزلين كافي عاد
1
سحبت جهازي دزيت رسالة الابويه يجيبلي سيمكارت جديد وطلعت سيمكارتي رقمي صار يمه ماريد شي يربطني بيه نهائيا اي تواصل ماريده وكفت السيارة على جهه كسرته وذبيته بالشارع .. اجرع المُر الي جرعته وكل وجع عشته ..
رجعت للبيت حتى شغل السفر أجلته صعدت الغرفتي طلعت القراصه الي تواسيني بكل ليله سوده مرت عليه تمددت لازمتها بايدي واباوعلها ..
4
- ميخالف انهار يمج وتواسيني
10
حضنتها الگلبي وغمضت عيوني وانه احجي وياها مثل كل يوم ..
- صاحبج اذاني ما اكدر اسامحه
- صاحبج خله بيه ندبه مالها علاج
18
- ماراح يشفعله شي يمي
- راح اخلي يصير ماضي غصباً حتى على گلبي لو مو يموت بيه ادوس على گلبي
2
بجيت لحد ماراسي بقئ يأذيني كمت من مكاني بدلت وكفت كدام مرايتي اباوع النفسي اتلمست الاثار الي بايدي ابتسمت وانه اباوعلها ..
- كل اذيه خلوها بگلبي انطتني درس وقوة
2
رفعت شعري سحبت قلم حمره ولا جني نفسي انه الي جنت ماتقرب لهيج اشياء ولا مهتمه الها رشيت عطر طلعت امشي بالبيت مابيه احد كلها بدواماتها
اندك الباب رحت افتحه جان درغام ابتسمت ..
2
-غياهب: ياهلا بالنسيب
-درغام: بعد روحي شلونج
1
- الحمدلله شو اشوفك هنا ترا مرتك مادري خطيبتك بالدوام
1
- ادري بيها هسه ماكو اتفضل
- لا ياا شنو السالفه اتفضل يابه البيت بيتك
1
ضحك ودخل دخلت للمطبخ صبيتله كلاص ماي وطلعت اله قدمته اله وكعدت ..
- شصار على سفرج
- امشي بيه على كيفي بين ماتزوجون ارتب كلشي
- ولو تضوجين من كلامي بس سالفة السفر ماعاجبتني
2
- مو بس انتَ حتى ابويه ماعاجبته وساعة يكلي ايي وساعة لا رغم انطاني موافقته
- بكيفج بعد بس الغربه صعبه
- اتعايش وياها مثل ماتعايشت ويا كلشي
1
- شلونها اختج
- ماتحجون ؟
- نحجي بس مثل الغربه
- اووف منج حنين ميخالف درغام اتحملها تدري بيها هيه عقلها نص عقل
11
- لا وشتكلي البارحة تكلي انه مامسامحه ارسلان وحاقده عليه بس هم حقه والطلاك غلط .. خلتني اشعوط
8
- اليوم تجي واتفاهم وياها وارسلان بعد انتهى حنين مايحتاج تضل تكرر بموضوعه كل شخص بينه راح بطريق
3
- رغم كلشي سوا بس زيناته وياي ماناسيهن اله
بقيت ساكتة شرب الماي وهَوُ يسئل ..
- اكلج خالتي تكول شو بيت عمي عمران مارجعولهم خبر مغلسين
- ليش خالتك شعندها وياهم
- غير خطبت نيروز الرسول
13
- صدك
- ومحمد ليش محد كالج
- لا وحتى هيه ماحجت بالموضوع
- چا يجوز ماراضين هل مغلسين بس رسول خوش ولد
- اي خوش ولد رغم مو ذيج معرفتي بيه
بقينه ساكتين هَوُ يكلب بجهازه وانه ضربتلي صفنه بسالفة نيروز شو محد حجالي عنها حنين من تريدها تجفص ماتجفص بس من تكلها لا تجفصين تجفص جفصات تشك الحلك
6
-غياهب: ايي شنو شوكت الزواج مااتفقتو على الموعد
-درغام: اليوم يجون اهلي بالليل ونتفق
- شبيك خويه شو احسك ضايج
- مادري غياهب اختج تعبتني
1
- بعد انتَ سميتها بلاء وهذه البلاء الصدك ههههههه
- تضحكين على جروحي
4
- لا والله مو اضحك ولا تضوج اليوم اطيح حضها الك شنو تضوج نسيبي
5
ضحك وهَوُ يحك ورا شعره ..
-بس على كيفج وياها
3
- حيرتني تررا
1
- خاف تزعل وتدرين بيها من اطنكر
- على روحها وكت الجد جد راح تتعاشرون عمر قابل تبقون هيج
- هايهيه خويه يلا انه اترخص بس اجيت اشوفج
1
- امم العلويه ولدت بالسلامه
طبك حواجبه وخفت ابتسامتة ..

- ياعلويه
- غرام زوجة خال ارسلان
- هاا ايي مباركين
- ورحت الها
توسعت عيونه من كلامي ..
- ولاتكليلي رحتي ؟ وشفتي ارسلان ؟
2
- يابه شبيك انطينه مجال
- احجيي غياهبب تدرينن بيه ضدد يشوفج ارسلان
1
- رحت للمستشفى مو البيتهم وماجنت ادري بيه هناك بس حنين كالت شافت عمر وكُميل ومن سائله عرفت غرام والده
- حجه وياج شي ؟
- لا ماحجه وماتقرب الي
- وبعد شصار
- يااا شبيك
- بعد شصار يعني متاكدة كلشي ماحجه وياج
6
- لا بس من حجيت على سفري سئلني وجاوبته
- وانتِ شكو حجيتي كدامه
- علمود يعرف حياتي متوكف عليه
2
باوعلي درغام بنضرات وترتني ..
- وليش يفكر حياتج توكف عليه قابل تحبينه انتِ
19
- هاا لااا شنو هل الحجي شنو احبه بس حجيتلك الي صار
- اتمنى كلامج صح
5
راح سديت الباب ورا معقوله شكلي فاضحني بس انه مو من هل النوع الي ابين الي بداخلي ضليت اشتغل بالبيت بس اريد الهي نفسي وما افكر بشي سويت حلويات خاف يجون خوالي ولازم احجي ويا حنين هم مصختها
1
لليل الكل رجع بس ابويه بيومها رجع العصر جاي يتعب ويفكر يقدم استقالته دخلت لحنين الغرفتها شفتها واكفه تجهز بنفسها ..
1
-غياهب: هاا عيني
-حنين: همزين اجيتي حبابه غياهب تعاي سويلي شعري شلع گلبي
كعدت بمكانها وكفت ارتبلها بشعرها استغليت الفرصة احجي وياها ..
- شلونها علاقتج انتِ ودرغام
- متوتره
- السبب
- انه
1
- ليش
- مادري غياهب جنت مو هيج يعني ماجنت اتنرفز واعصب من كلشي هسه صايره بسرعة اعصب واتنرفز ومن اهدأ واتذكر شجفصت وياه اشبع قهرر
1
- حنين
- هاا
- موضوعي وموضوع ارسلان انسد اتوقع فبعد مايحتاج هل الشغلات علاقتج اهم تدرين درغام شكد تعبلج وشكد تحمل علمود تصيرين اله لاتخربين علاقتكم بتطفل منج
1
- ادري بكل هذه وانه مو بس موضوعج انتِ وارسلان بس غياهب ما ادري احس بضغط عليه وكرهانه كلشي
- نفسيتج تعبت حقج باخر فترة محد ارتاح بينه يوميا مصيبة ومنا دوامج بس درغام يستاهل كلشي حلو حبيبتي
1
- ان شاء لله
-انطيني وعد تتغيرين وتحاولين تسعدين
هل الشخص
- هايهيه وعد والله بعد ما ازعله
- اطيح حضج اذا اجه شكى منج
1
- انجبي ويايه وياه
- ويا الحق
1
عيبت عليه بلسانها ووكفت تكمل بعد مامكملتلها شعرها كعدت على جهه وهيه مستمرة ..
- اكلج حنين شو ماكتيلي نيروز خاطبها رسول ابن خالة درغام
- يمعوده والله بطرانه انتِ شكو حاجيه وهيه نيروز ماموافقه
- لعد ميرجعون خبر للناس
- شمدرينيي قابل انه ارجع غير اهلها
- هيه نيروز شنو وضعها
- مثل وضعج داخلات بمود المطلقات والارامل
37
- طاحضج
- هسه ارسلان وغسلنه ايدنه منه لان غلطه جبير عمر شبيه طبعا ذوله بيت الاعرج احسهم شايلين خرز
7
- خرز شنو ولج
- ياخي ينحبون
20
- دخل يسمعج درغام يشك حلكج
- هذه اذا يسمعني احجي هسه تكب عنده الغيرة العراقية
10
- انجبي لا تحجين عليه .. رحتي لغرام
- اييييي ولجججج ابنهاا يموووتتتت يكطعععع اجيتتت اعضه من كثر ماكزكزت عليه
2
- اي والله صدك حلو يخلي الواحد غصب يكزكز عليه
- كالولي سميتي سراج خوش اسم همزين مافشلتينه
9
- هيوو شبيج ويايه انتِ
- اوي شبيج نتقشمر وياج ماتتحملين
1
- نتقشمر ؟
عضيت شفتي ذكرت ارسلان من كالي قشمر وكفت بصفها امشط بشعري اطرد بالذكريات الي ملازمتني ..
-حنين: والله عمي خوش مخليه الرجال صاير حاله يبجي
3
- كافي لا تلحين
- ترا الواضح تحبي مثل مايحبج بس طبعاً كرامتج ماتسمحلج تتنازلين
5
- لغيتي اهواي
- تضوجون من الصدك
8
- يلا ننزل خوالي على جيه وحاولي لسانج ضبينه شويه ولا تجفصين وتفشلينه
2
- اريد عرسسسس فخم وحق الله
1
- تدللين بس فضيها
نزلنه جوه وطيور الحب كاعدين واحد بصف الثاني يسولفون واكثر من مره لاحظت ابويه من خالتي تكعد بصفه يلزم ايدها ويبقى يسولف راحت ست چفصه كعدت بنصهم وخربت كل الاجواء باوعلها ابويه يضحك ..
7
-سلطان: شنو هل الجمال
كلبت حنين عيونها بغرور وثقه ..
-حنين: ابويه سلطان طبعاً اطلع اشك شك
1
-غياهب: بس كون تلزمين السانج وسالفة الشك ماتحجيها لان مشهودتلج بيها
-وجدان: هذيج المره سمعتها تحجي ويا درغام تكله اشكك واشك ابوك
35
ضحك ابويه بقوة ضحكت على ضحكته ..
-سلطان: حاير بيها شلون راح تعيش وياه ذاك مسودن وهيه مسودنه
3
-حنين: طنجره ولئت غطاها
9
- انكلبتي سوريه
- كلشي نرهم
2
اندك الباب اكيد خوالي اجو راح ابوية يفتحه  وانه وخالتي نوصي بحنين تثكل بس غير يفيد شيفيد دخلو خوالي سلمو كعدنه كلنه بالصالة وخالتي جوهره اسم على مسمى كلش احب هل الانسانه واحترمها واختي محظوظه بيها وخالي مايقل عنها
1
جابت حنين الضيافه ماشوفها غير لزكت روحها بصف درغام كعدت لطمت على خدي وين الحجي الي حجيناه وهيه تدري بابويه يتخبل اذا يشوفهم لازكين ببعض

12
ضحك درغام من شافها كعدت بصفه ولا يزعل منها واختي مايتحملها غير شخص مثله مرات اشوفه ماعنده صبر اتجاه اشياء بس من يوصل الموضوع الحنين يتغير كلشي لزم ايدها مادري شيهمسلها وهيه تضحك تحمحم ابويه وهمه ولا عبالك كتمت ضحكتي شلون بينه بسلطان يغار غيرة العشاق على بناته ..
10
-سلطان: احمم
رفعت راسها حنين تباوعله ..
-حنين: ها بابا تريد شي
7
- سلامتج بابا سلامتج
2
-درغام: صعدت الحرارة عند ابوج
17
-سلطان: عوزك بعد بس تكعدها بحضنك
1
- شكو بيها مريتي
- بعدها ماصايره
- شمسوي والله خلاك تصير عمي
2
- كول انه شمسوي والله انطاني انسابه طايحين الحظ
- اكيد ماتقارني بذاك الواحد
19
- ذاك الواحد على الاقل مايسوي شي كدامي
4
غلست عرفتهم يقصدون ارسلان بس حجو عود بتشفير همه مايدرون جان اذا يحجي حجاية ارجعها اله عشرة وشبع تكفخ ودفرات مني ..
19
-جابر: يابه حنين درغام انتم شتريدون
من عرس
-حنين: والله خالي بصراحة انه حقي اريد عرس فخم وافرح بيه حالي حال البنات
-وجدان: حقج ماما .. جابر موتانه راحو لرحمة الله والحزن لو يرجع الميت حزنه طول العمر وهمه صارلهم فترة لابأس بيها خلي الشباب تتونس واهوايه اتأجل عرسهم خطيه والحجي مالنه علاقه بيه سمعنه اشكال من الناس بقت على هاي
رد عليها خالي وهَوُ يأيد كلامها ..
-جابر: صح كلامج وجدان هايهيه .. حنونه خالو انتِ شكد تحتاجين تجهزين نفسج
1
صفنت حنين تفكر اتلاحكت الموضوع انه لان ادري بيها راح تلوصها ..
-غياهب: اسبوعين كلش كافيات خالي يعني خلو العرس راس الشهر
-درغام: الحمدلله ماخليتيها هيه تحدد جان بقينه لاشهر
8
-حنين: شتقصدد
- مو عليج بلائي اقصد على عمتي اي على عمتي شبيج
6
خزرته ودارت وجهه ضلو يسولفون واتثبت الموعد باخر الشهر ومنا بدات تجهيزات عرس حنين الي شلتنه وطيحة حضنه بيها ومنا دوامها ومن صدك طاح حضها ..
كم يوم وبدينه نطلع نشتري التجهيزات الخاصة بالعروس ومرات يا خالتي وجدان يا خالتي جوهره ..
-حنين: شنو ذني شو مايعجبني
باوعتلهن جانت ملابس نوم ..
-غياهب: لعد شتريدين كله فضايح
- اي طبعاً لعد شلون ادلل زوجي
40
- ايععع
3
ضحكت خالتي جوهره وفوكاها تأيدها طبعاً غير ابنها هنا انه مادخلت بهل الفقرة لان لا احبها ولا اعرف بيها وذوقي عن ذوقها يختلف اختي تريد كله فضايح وعلى الموديلات
1
اخذت كم قطعة وطلعنه من المحل ايدينه متووسه غراض ..
1
-حنين: شوفي خاله شوفي شلون راح ادلل ابنج دخل يفكر يخوني اخخخ بويه شسوي بيه
-جوهره: ولج خاله شيخون هَوُ شايف دربه من وراج سبيتي سبي
21
حنين ماتقصد تسوي كلشي علمود مايخون وهل شغلات الرجال اذا يريد يخون لو يتزوج مايوكف بوجه لا دلال ولا هل السوالف بس هذه احد حقوق الزوج من واجب الزوجه تلبس وترتب وتهتم بنفسها وبنفسه والاهمال مو بصالح احد ..
12
-غياهب: رجليه طاحت شوكت نرجع
-حنين: شوكت لحكتي تعبين بعدنه ترا
- كدامنه بعد ايام لا تستعجلين
- لا خلي اكمل كلشي احسن لاتنسين دوامي
- تسوين حنه ؟
- اييي راح اسوي كلشي يصير بالعرس هيه مره وحدة بالعمر
- تفتهمين
- خلونه ندخل للمرطبات ريكي يبس
4
دخلنه باحد المرطبات كعدنه وغراضنه شكد مادري شلون راح نشيلهن كلهن ذني جابولنه المشروب الي طلبناه من التعب مابيه احجي حرف وحنين عبالك مادري شماكله بس تحجي ثولتني ثول
3
-جوهره: غياهب
التفتت الها بعد ماجانت عيوني بالشارع الكدامي صافنه ..
-غياهب: ها خاله
- جنج ناسيه شغله
بقيت صافنه بيها شناسيه عدلت كعدتي ..
- شنو ناسين خاله بعدنه احنه ماراجعين نشتري بطريقنه
- لا ماما ماقصد من هل الناحية
- لعد شنو
- انتم طلكتو بعد وانتهيتو
- اي صح
- چا ليش الحلقة بعدج لابستها
20
بلعت ريك وماعندي جواب لكلامها وشلون مامنتبها باقيه لابسه الحلقة كل هل الفترة رجعت خصله من شعري منحرجه نزعتها
من ايدي ..
9
- مامنتبها ناسيتها
جسمي كبت بيه الحرارة الموقف جان محرج بالنسبة الي وهاي الفترة الي فاتت ماانتبهت انه بعدني لابسه الحلقة ولا احد نبهني على هل الشي حطيتها بالجنطة ..
-جوهره: عادي حبيبتي غياهب الانسان ينسى لا تفكرين بالموضوع
- والله جنت ناسيتها مامتقصده ابقيها شكو مبقيتها زواج انتهى
-حنين: غياهب شبيج هايهيه عمري مابيها شي واذا نسيتي لاتفكرين بالسالفه
هزيت براسي عاضه على شفتي طلبت نرجع للبيت لان الاغراض جانت اهوايه اجه درغام اخذنه طول الطريق ساكتة وغاطه بهدومي من الموقف شلون كدرت انسى هيج شي ..
6
صرنه قريبين على البيت جانت اكو هوسه بالشارع سيارة جاي تنزل اغراض بيت .. البيت الي مقابيل بيتنه جايين ناس جدد يسكنون بيه بقى درغام يحجي لان مايكدر يدخل سيارته يم الباب بسببهم

54
نزلنا نمشي وهَوُ ويانه شايل نص من الاغراض ..
-درغام: صرتلج حتى حمال حنين بعد بقى بس احبل بمكانج
11
-حنين: ياريت
6
- هايهيه ربحنه
1
- اووي درغام شبيك صاير ماتتحمل شي
- طيحتي حضي شتحمل اكثر
دخلت كدامهم للبيت اضحك على سوالفهم اختفت ضحكتي من شفت كوب مكسور بالكاع ورجلين شخص مدد طالعه من باب المطبخ باوعت بخوف احس رجليه ماتت وصارن خيوط اسمع صوت درغام وراي ..
6
-درغام: شبيج وكفتي
رفعت ايدي أشرله على باب المطبخ دخل كدامي رحت ورا شهكت حاطه ايدي على حلكي من شفته ابويه الي واكع ركضنه عليه ..
5
-غياهب: بابا تسمعني فدوه احجي
رفعت راسي الدرغام الواكف مصدوم ..
- درغام فدوه سوي شي
راد يرفعه من الكاع ماكدر بسبب ضخامة جسمه كابلناه انه وحنين نساعده شلنه ابويه وياه والمصيبه السيارة بعيدة مو يم الباب كعدنه باب البيت ابويه بحضني حاضنته الصدري ابجي وارجف درغام ركض يحجي ويا ذوله الي جاي ينقلون الغراض يبعدون سياراتهم ..
5
حجت حنين ودموعها بعيونها ترجف من الخوف وخالتي واكفه بصفنه تدعي مابيه شي ..
2
-حنين: عفناه مابيه شي شصار بابا فدوه افتح عيونك
طبكت سيارة درغام كبالنه واجو العمال الي بهذه البيت ساعدو لان كل حيل مابقى بينه من الهبطه الي انهبطناها صعدت حنين وياه بقيت كاعدة مدده رجليه حيلي باد مشت السيارة وعيوني وراهم لزمتني خالتي جوهره تعين بيه ..
-جوهره: ولج ماما عينيني وعيني روحج كومي
بجيت اكثر حاطه ايديه على وجهي وانه اهمس بحرف الكلام ..
- وينه الحيل واعين روحي
كوه قويت نفسي ووكفت على رجليه كل ذره بجسمي ترجف ونغزات الي بگلبي دمرتني رجعت للبيت سحبت مفاتيح سيارتي ماشوف شي كدامي طلبت من خالتي تبقى هنا وانه الحكهم هيه هم مريضه مو مال اتروح وتتعب اكثر صعدت طايره امشي
طلعت من الفرع مالت بيتنه وعيوني مغوشه بدموعها افتح بعيوني وترجع تغوش سلطان من نقاط ضعف غياهب الي تنكسر بيهن ماعرف بيا مستشفى راحو وكفت على جهه اتصل بيهم اتصلت على حنين جاوبتني وهيه صوتها رايح من البجي ..
1
زفرت نفس اهدأ بنفسي وكلشي يرجف بيه ..
-غياهب: وين انتم بيا مستشفى رحتو
-حنين: بعدنه بالطريق رايحين للمستشفى الي بيها خالتي
سديته منها واتوجهت للمستشفى الكالت عليها هه عود الدنيا تخليج ترتاحين غياهب تحس بنقص اذا خلتج ترتاحين يوم بحياتج ..
2
وصلت للمستشفى جانو درغام واكف يحجي ويا حنين التبجي رحت عليهم اسئل بلهفه ..
-غياهب: وينن ابويه
-درغام: دخلوه جوه بعد محد طالع
لزمت بالحايط مثبته ايديه لزمتني حنين
من وره ظهري كعدتني جابو ماي يغسلون بوجهي جسمي صار مايتحمل شي بقينه كاعدين منتظرين طلعت خالتي وضعها مايقل عنه رحت عليها بس اريد احد ينطيني ولو كلمة وحدة تريح گلبي ..
-وجدان: راح انسويله قسطره عنده مشاكل بالشرايين
16
-غياهب: قسطره خطره ؟
- ان شاء لله يطلع سلامات ادعيله ماما
عافتنه وراحت بقينه واكفين ولازمين گلوبنه لان هَوُ هم عنده سكر اجو خوالي هم مارتاحت گلوبنه اله لمن طلعت خالتي وبشرتنه وضعه احسن ولازم مايحجي اهواي ولا تكون يمه هوسه هذه مريض القسطره هيج لازم بين مايتحسن
4
طلعنا من المستشفى بعد ما اتاكدنه من وضعه الصحي صرت انه ابقى وياه وحنين صارت تكمل بتجهيزاتها وياها خالاتي ماعافنها مثل كل يوم دخلت اله جايبتله الاكل صار من اهتماماتي اليوميه كمل اكله واخذت الصينيه اريد ادخل للمطبخ اندك الباب
طلع ابويه من غرفته بذني الايام وضعه اتحسن بقيت واكفه وبايدي الصينيه فتح الباب مديت راسي اشوف منو رمشت بثكل من شفته ارسلان والكشخه على اخر حبايه بقيت واكفه اباوعلهم ..
4
-ارسلان: الحمدلله على سلامتك
رد ابويه ببرود وعدم اهمية اله ..
-سلطان: الله يسلمك
- محتاج واير كهرباء وانتم اقرب شي البيتي
86
ضل ابويه يباوعله مافاهم شيقصد ولا حتى انه فاهمه شيقصد بكلامه رد عليه ..
5
- بيتك شبيك عقلك متيهه انتَ بيتك شجابه علينه
ابتسم ذيج الابتسامة المغلفه بخباثة ومعروفة وراها شي ..
- ليش ماتدري صرت جاركم
3
- جارنه ؟
- اي نعم البيت الي كدامكم انه اخذته وصار الي
12
- يعني انتَ الجار الجديد
- نعم
- وين تريد توصل ارسلان
فتح ايديه بمعنى مادري ..
- ليش اكو مشكلة اذا شتريت البيت ؟
- وتقنعني البيت اشتريته مو لغايه
1
- سلطان اموت على ربك من تفهمها على الطاير
58
دخلت للمطبخ وراسي انسطر هذه شجاي يسوي ياربي نوب خفت على ابويه وهَوُ يحجي وياه هذه يرفع الضغط بأسلوبه صعدت الغرفتي فتحت جنطتي طلعت الحلقه منها ونزلت اركض على الدرج شفتهم واكفين بعدهم يحجون مشيت باتجاهم وكفت بصف ابويه الي الواضح متحمل الوضع على اعصابه ..
1
-غياهب: اهلاً بالجار الجديد

-ارسلان: اهلاً بيج حضرة المحامية
- همزين اجيت برجليك اكو امانه لازم ترجعلك
طبك حواجبه ..
- امانه شنو ؟
مديت ايدي من ورا ظهري وبيها الحلقه ..
- اتفضل جنت ناسيه ارجعها الك
عض شفته السفليه وعيونه بيها مد ايده حطيتها بنص كفه ودرت بظهري بدون ماحجي شي رجعت للبيت جوه راح ترجع المشاكل دامه كعد كبالنه وهَوُ اكيد اكو شي اباله كعدته هاي مو لله رجع ابويه وشرايين كصته بارزه من العصبية خفت يرجع يتخربط ..
2
-سلطان: وتاليي اشيل من بيتي بسببه
1
-غياهب: لا تغث نفسك بابا ماعلينه بيه
- غياهب كلش زين فاهمه شنو الي اباله
1
- اي فاهمه بس مايتحقق ف لا تقهر بنفسك حبيبي بعدك مريض ولازم ترتاح
3
- راح اخابر خاله
- مايكدرله بابا لاتعب نفسك الي براسه يسوي
- لوتي يريد واير كهرباء وهَوُ عنده كهرباء
42
بقيت ساكته شحجي وشكول رجعت حنين وحجيتلها وضلت صافنه بتصرفه ونبهتها ماتحجي شي كدام درغام لان تلاص الوضعيه كعدنه نتعشى وابويه كل شويه زافر نفس بعصبية ..
-وجدان: شنو سالفتكم اليوم
-سلطان: هذه ارسلان يريد اكسر ظهره اله يتوب
- هم ارسلان شبيه
- مشتري البيت الي كدامنه وكعد بيه
- ياا شماله هذه الولد
1
- عباله ارجعها اله لو تطلع عيونه ماترجع اله
6
- على كيفك ياعيني هايهيه مالنه علاقه بيه لاتبقى تغث بنفسك وانتَ ماصارلك اهوايه مسوي القسطره
2
-حنين: بابا اكدر اسئلك سؤال
-سلطان: اسئلي
- انتَ ليش حارك دمك وانتَ واثق بغياهب ماراح تنطي مجال وهيه راح تسافر
5
- ارسلان يعرف شلون يلعبها مثل مالعبها قبل وضحك على الكل
1
- وانكشف كلشي بعد مايكدر يضحك على احد لان محد يثق بيه
احس بديت اختنك من الوضع كل الاشهر المرت محد ذكره كدامي بس من يوم الي شفته وذكره صار يتكرر كدامي عفتهم كاعدين طلعت للحديقة كعدت على المرجوحه تتحرك بيه وضايعه بافكاري ..
2
وين يريد يوصل بافعاله مامل شيريد اكثر
من الي سوا الكل كرهه وماطايقه يمكن لو ماكلشي صار جان انه وياه اليوم لازمين ايدين بعض ومتحدين كلشي بس بغلطه نهى على كلشي فزيت على صوت حنين وجهازها بايدي يدك ..
2
-حنين: خاب وينن رحتيي جهازج صرعنه
بس يدك
-غياهب: انطينياه
حطته بايدي ورجعت دخلت جوه باوعت للشاشه رقم يجوز نيروز لان بعدني مو كل الارقام حافظتها فتحت خط وكل تفكيري هاي نيروز ..
2
- هاا عيني
- ابوسها
29
كمزت من مكاني فاتحه حلكي بصدمة ..
- انتَ ؟؟؟
-ارسلان: اي يحيلي
3
- منيلك رقمي
- هَوُ شوفي انه قبل تركتج براحتج ومابقيت ادور وراج ورقمج الي كسرتي خذيته من العلويه بس هسه لا وقتي كله الج غيري الف رقم ماراح تستفادين شي
5
زفرت بعصبية ..
- شتريد ارسلان
- گلبي يضل يركص ويردح من يسمع اسمي بلسانج
38
- شغله ساجدة بطريقك
16
- اممم شلونج
- مرتاحه بدونك نفسياً وجسدياً وعقلياً
6
- جيد
- ليش متصل شوكت اخلص منك
- ماتخلصين لانج انخلقتي الارسلان
- لا بشرفك هاي كل قوتك
6
- لا عندي الاقوى تحبين تجربين
3
- احتفظ بيها
تغيرت نبرة صوته للهدوء ..
- رحتي وسلبتي روحي وياج
6
رجعت كعدت بمكاني اسمع لكلامه ساكته ..
- ارسلان
- حيلي
- لا تعب نفسك خليني اعيش باقي ايامي بهدوء ومرتاحه من التعب
3
- وانه غياهب فكرج عايش مرتاح
2
- شيلني من بالك
- ما اكدر
- تكدر لكلشي ارسلان تكدر
- والله ما اكدر لو اكدر جان قويت روحي ورحت الاهلي الي ماواصل الهم
2
- جرحك غميج وصعب علاجه
3
- اداوي الج
- اجيتك وكلي جروح وزدت هل الجروح بايدك
27
- احركيني اكثر بكلامج
- حركت روحك بروحك
1
- هم نرجع نلتم بيوم من الايام 
- شيلمنه بعد
21
سحبت نفس اذه داخلي ..
- غياهب: وجع گلبي يعادل وجع گلبك
-ذبله حسره وهَوُ يگول ..
- عسا وجع گلبج فوك وجع گلبي
1
- ورقتك احتركت وانتهت بالنسبة الي الله وياك ..
سديته بوجهه نزلت دموعي غصتي اخترقت بلعومي ذبيت الجهاز بالكاع حتى لو اكسر الرقم راح يرجع يحصله شلون جاي يحصله خبلني بس دام شغله استخبارات ماكو شي صعب عليه ..
7
رجعت دخلت للبيت صار بوجهي ابويه ابتسمت بوجهه ..
- هاا حبيبي
-سلطان: انتِ زينه
- اي اي زينه بس يمكن تحسست من الاكل حساسية اي حساسية هاجت بعيوني
لزمني من ايديه وانه نار اشتعلت بگلبي  ..
- شبيج بابا
انبلع لساني ماكدرت احجي شي بعد اجتني النوبه طحت بين ايدين ابويه اشهك بالنفس التمو عليه بخوف يغسلون بوجهي عيوني صارت تنفتح وتنسد وحدهن جسمي خدر دخلوني للصالة وابويه كاعد بالكاع مكابلني يباوعلي بخوف وقلق ..
4
-حنين: بابا ناخذها للمستشفى
-سلطان: لا مايحتاج هيه هاي النوبات تجيها الساعات وترجع طبيعيه
غمضت عيوني مستسلمه للظلام مرات تتمنى ماتكعد تفتح عيونك ولا تشوف الي كدامك تتمنى تضل مغمضهن للأبد ..

1
-حنين: جنت حاسه وعارفه غياهب ماراح تتخطى شي بسهوله وجاي تضحك على نفسها وعلينه وتتظاهر بالجاي اتسوي
2
غطيتها بعد مانامت وخالتي وابويه طلعو بقيت كاعدة اباوعلها افكر شوكت راح تكدر تتخطى كلشي عاشته شوكت اشوف ضحكتها نابعه من قلبها دك درغام فتحت خط عليه وانه عيوني تراقبها ..
-حنين: هاا حبيبي
-درغام: ياروح حبيبج تعاي اطلعيلي يم الباب جايبلج شغله
- تمام
طلعت اله فتحت الباب دخل بايده علبه ..
- هاج بلائي
- شنو هاي
- افتحيها
اخذتها من ايده فتحتها ابتسمت من شفتها دهينه بالجوز يعرفني احبها كلش خصوصاً من يتكثرلها جوز رفعت راسي اله مبتسمه ..
18
- شكراً دلغام
- ليش ضايج الحلو
- تعال نكعد بالحديقة
- خوش بس اوكفي خلي اسد باب السيارة واجيج عفته مفتوح
طلع سده بسرعة واجاني مشينه للحديقة اباوعله اطول مني هَوُ طوله بالتعسينات وانه ستينات كعدنه على الحشيش كعد كبالي ..
4
-درغام: صاير شي
-حنين: اي بس مو شي جديد
1
- شنو
- غياهب رجعت اتخربطت عندنه
- ليش تخربطت ترا هيه حالتها ماتجيها بس من تنقهر او تصير عصبية وتكتم عصبيتها
- مادري اجاها اتصال جانت هنا بالحديقة انطيتها جهازها شو من رجعت جان كل وضعها متخربط
- منو جان المتصل
- ما ادري ماركزت .. انه خايفه على اختي لايوم من الايام يوكف گلبها
- المشكلة حتى العلاج ماجاي يفيدها قبل جربنه ونفس الشي
1
سكتت وانه افكر احجيله ارسلان اشترى البيت الي كدامنه لو اسكت غياهب طلبت ماحجيله خليني ساكته احسن ماناقصين مشاكل وهمه واحد ماطايق الثاني ..
2
طلعت ورا راد يروح دنك باس الشامة الي يحبها وطلع رجعت دخلت وبايدي العلبه شفت غياهب هستوهه جاي تكعد دخلت الها كعدت على حيلها لازمه راسها ..
-غياهب: اوف راسي جيبيلي علاج حنين
حطيت العلبه على جهه ورحت جبتلها حبة راس وكلاص ماي انطيتهن الها شربتهن بقت مغمضه عيونها نزلت دموعها ويا هدوء شكلها بقيت واكفه اباوعلها مسحتهن ولفت روحها بالغطه كعدت يم راسها امسد عليه ..
-حنين: ماتكومين تنامين بغرفتج غياهب النومه هنا مو مريحه
-غياهب: نفس الشي
- شوفي تاكلين ويايه
1
- لا ماريد
عجزت شلون ابقى احجيها وياها ..
- باعي عندي شي انتِ تحبي
رفعت الغطه من راسها شعرها نازل على وجهه
عيونها حمر من البجي روحي تتكطع على منظرها ..
- شنو
سحبت العلبه حطيتها كدامها فتحتها بس شافتها انرسمت ابتسامة على وجهه وكعدت ..
- الله من زمان مماكلتها
- سر سعادتي جابها الي
6
- اريد
- اي اوكفي لا تاكلين وحدج لا ابجي خلجيب خواشيك
- شنو قيمة هيه وتاكليها بخواشيك
7
- لعد بايدينه تنترس دهن
2
جبت على السريع خواشيك وكعدنه اثنينه بالكاع حطيناها بالنص ناكل ..
- طبعاً انه محظوظه
باوعتلي وهيه تاكل ..
- بشنو
- اذا اتزوج واصير حامل واتنسى شوكت ماتنسى بأي وقت درغام يروح بدون مايمل شوفي هسه نص ليل وجايبلي الي احبه مونوب ابنه ببطني
5
ابتسمت وهيه تجاوبني وصوتهه مختنك ..
- درغام يسوي كلشي بس علمود راحتج ديربالج عليه
- انه من هسه مقرره عشاي يوم عندكم ويوم بيت زوجي
21
- لعد شكو متزوجه خوب بقيج يمنه
- نوب انه لا من الي يطبخن لا من الي يصخمن انطيني بس غسل مواعين وتنظيف هسه شلون بلكي الرجال راد يضوك طبخي
3
- هذه المايتعلم
كلبت عيوني الها بغرور وشوفت نفس ..
- حياتي زوجي ميهمه اطبخله
1
- لا تتقربين للمطبخ بيت خالي لا تحركينهم
ضحكنه اثنينه بقينه نسولف وكل شويه توصي بيه بعلاقتي بدرغام ..
مشت الايام واحنه نجهز لزواجي اكثر وحدة يطيح حضها وصبغها هيه العروس غيرت لون شعري بعد توسلات بابويه لان لا يحب نكص من شعرنه ولا يحب الصبغ صبغته لون يناسب بشرتي وانه بشرتي حنطاويه فصبغتها لون فاتح شويه علمود يكعد عليه بس ماكصيت شي من شعري رغم ماحب الشعر الطويل حجزنه القاعة باختيارنه انه وزوجي  ..
5
طلعنه نشتري فساتين الحنه قبل الحنه بيوم وغياهب لزكت اله اسود تريده وانه ردت فستان خاص بالحنه ماحب البدلات حجزنه بالصالون صح ايام متعبه بس تستاهل التعب لان فرحتي هاي بالليل كعدت غياهب ونيروز ينظفلي جسمي ومقشرات وهل السوالف
3
كعدتني الصبح غياهب تسحل بيه اليوم الحنه ..
-غياهب: ولجج حنينن اكعدييي يلاا
-حنين: هيه حنه بالليل شكو رايحين هسه الصبح
- ياصبح ساعة بـ 1:00 الظهر
1
سحلتني سحل من الفراش نزلت جوه البجامه وحدة صاعدة ووحدة نازله لكيت رماد ونيروز يمنه بس شافني هز بايده ماعاجبه وانه طنكورة النوم بعدها بيه ..
1
-رماد: عروس چرچوبه
3
-حنين: ما احجي ويا زعاطيط
1
-نيروز: احسلك قصفتك ماترتاح
- ماريدد اعرس بطلت اريد انام
نزلت غياهب تحجي عليه ..
-غياهب: مو هيه لعب نبطل يلا غسلي واكليلج شي لا تعبيني حنين ترا الشغل فوك راسي

-رماد: فديت اخت العروس
14
ضحكت غياهب على سوالفه غميته ورحت اجهز نفسي لان الحنه هم بقاعة قررنه نسويها وكفت افرش باسناني طلعت والقرشه بحلكي ادور على غياهب شفتها واكفه هيه ونيروز يحطن بغراضي وفستاني والشغلات الخاصه باليوم ..
- اكلج غياهب عزمتي العلويه
- اي خابرتها من جهازج بس ماتكدر تجي لان ماطالعه من الاربعين بعدها كالت تعذريلي منها
1
- هاا حرامات اتمنيتها تجي
- وضعها مايسمحلها ولا تنسين هيه عملية
- اي خطيه
رجعت اكمل والمعجون حركني بدلنه احنه الثلاثة ونيروز ويانه اجه اخذنه درغام للصالون وخالاتي بقت عليهن التجهيزات لباقيه هو كلشي بالقاعة يصير بس بعد هوسة العرس هيج تصير حتى لو بقاعه لازم تنشغل واكو شغلات ترتبها جوه ايدك ..
4
-درغام: ولكم راح اعرسسس طكت مرارتي وانه انتظر اشتعلت روحك ذاك الواحد
16
-نيروز: انه ويا درغام بما انُ هَوُ ماعنده اخت انه اخته
- يروحلج فدوه اخوج نيروزه اريدج تذبين لحم بعرس اخوج
5
ضحكنه ومشغل الاغاني وممصدك تزيد فرحتي وانه اشوف حماسه وفرحته غياهب ماتعلق على شي بس تضحك
2
نزلنه للصالون وهَوُ راح دخلنه للصالون احنه حاجزين استلمنه انه شرطت اريد ام الصالون بنفسها تسويلي الحنه والعرس اما غياهب ونيروز استلمنهن العاملات
والاجواء بالصالون تشهي العرس للمايشتهي الاغاني والاجواء بدت تشتغل بينه وكل ماتروح ام الصالون تجيب شي اخذلي هزه على ماشي وغياهب تصيح صدك جانت اجواء ماتتكرر
4
رفعتلي شعري بتسريحة بسيطه بطلب مني كلشي فخم خليته اليوم العرس بس الحنه ردت شي بسيط يجي ويا فستاني جان لونه احمر والروج هم احمر تنسيق ويا الفستان ..
7
رادت تخليلي كحل صاحت نيروز ..
-نيروز: عيوني لا تكثريلها كحله هيه عيونها مكحله لا الرجال يتخبل علينه ليله وهَوُ كحل عيونها مخبلها من زمان
1
كرصتها غياهب ..
-غياهب: فضحتناا الله يفضحجن
4
هم البنيه صدك ماكثرت كحل لان عيوني مكحله من اصلهن المسكارة هم شي خفيف بس حواجبي شويه غيرت من لونهن شي كلش قليل ويا لون شعري ..
كملنه ولبست اكسسواراتي بعد مالبست الفستان غياهب جانت واكفتلي بكل خطوة باوعت النفسي شي واو طالعه راضيه عن الي مسوي كلشي مثالي ..
3
اتصلت غياهب علمود احد يجي ياخذنه كالولها راح يجي خالي عمران ياخذنه لان همه هم مسوين حنة الدرغام بنفس القاعة بس منفصله ماطول خالي واجانه فستاني جان مستر مو فضيحه صعدنه انه وغياهب ورا ونيروز كدام يم ابوها ..
-عمران: لكك هااا خاليي شوو خلي اشوفجج
رفعت راسي عود خجلانه عشتو ماتحملت ضحكت هز براسه يضحك يعرف سوالفي ..
-حنين: شلوني خالي بذمتك مو طالعه اشك ابن اخوك
33
- تموتين بعد خالج تشكينه وتشكين عشيرته
- زين منو طالع احلا انه لو وهَوُ
- خيولي شنو هل المزنجر يجي بجمالج
خالي عمران شكد ماتشوف هيئته تخوف بس سبورتي وصلنا للقاعة دخلنه جوه وبدأت الحفله اصوات الاغاني والهلاهل الي تارسه القاعة عمامي وخوالي الباقين محد اجه ضلو يحجون علينه لان سوينه عرس محد اهتم الهم ولبسوهم الحزن لايقدم ولا يأخر ولو ندري يجي يوم ونعرف قذارة مجيد محد أجل العرس يوم واحد ..
10
وكفت نيروز لابسه فستان لونه وردي هيه بيضه ملامحها ناعمه جنها لعابه وغياهب بصفي تعدل بيه وترتب خاف شي مخربط فستانها ساده اسود وشعرها فاتحته على طولها ومكياج بارز ملامحها واكيد ويا روج احمر ..
-غياهب: لك عيني هيه منو واجت صارت عروس
3
-حنين: اي فددددوه احجووو هيجج خلشوفف روحييي
4
اجن خالاتي ويصلن على النبي مر وكت وصار وكت اتحنه محضرين تجهيزات الحنه كالو راح يدخل درغام شو هنا مغصتني بطني ولاعبالك نفسي الي جنت اكمز وفرحانه ..
3
دخل درغام مبتسم واشتغلت اغنيه الدخوليه
التفتنه انه وغياهب من شفنه خالتي وجدان هلهلت ابتسمت وعيوني مدمعه أدت واجبها كأم الي بهذه اليوم من ناحية كلشي ضلت الاغنيه مستمرة بين ماوصل كعد بصفي لزم ايدي بايده الدافيه ..
3
-درغام: اخاف اسب ابوج وتتعاركين وياي بنص القاعة كدام خلك الله
8
-حنين: شتسبب ترا عرسان احنه
- يلا كافي هسه خلينه رومانسيين بعدين نتعارك خلي نضمها لبعدين حبيبي
3
- عفيه
جابت غياهب الحنه علمود يحنيني حط الحنه بايدي وحط فوكاها خمسه وعشرين من عادات اهلي بالحنه من العريس يحني العروس يحط فوك الحنه فلوس هلهلت خالتي جوهره بفرح الأبنها ..
3
-جوهره: ذبو القوط يهل القوط درغامنه لبس قاطه
41
ضلت تهوسله وتهلهل ضلت الحفله مستمرة نزلنه نركص انه وياه بنص القاعة بس ماردنه هذه السلو ردنه ردح وهنا ماقصرنه انه وياه على كولته محد ركص بحنته مثلي ..
17
حضني كدام عيون الكل واحس بدگات گلبه لزم وجهي بايديه ابتسمت بخجل هنا من صدك خجلت لان كدام الناس كلها باسني براسي مبتسم عيونه اكلتني بنضراتها ..

- احـبج بلائي الجميل
حضنت وجهه بايديه مبتسمة ..
- مو كدي سبع الهوره
1
حضني كدامهم ضميت وجهي بصدره خجلانه من عيون الكل بس فرحتي وشعور يعجز للسان عن وصفهن فرح امان حب احتواء تحس بطعم الشي من يصير بيه تعب درغام تعبلي سنين وانه ماجانت عندي فكرة عن الي يعيشه والحمدلله اليوم انه اله وهَوُ الي ..تعبلي اهوايه رغم التعب كله ما استسلم وبقى يحاول يستاهل يحصلني بعد كل التعب الي مر بيه ..
17
**
-
غرام: ماكدرت احضر حنة حنين ولا حتى عرسها لان عملية وهستوني والده ولا طالعه من الاربعين انقهرت لان مارحت جان بنفسي اروح سوزان بقت يمي اول ايام وراحت لان هم زوجها وحدة
1
حطيت ابني بحضني عيونه مثل عيوني مليكة تكلي نسختج مامخلي شي منج بس الخشم يشبه خشم كُميل كاعده يمي ناز وفرحانه بيه دخل عمر جنت كاعدة بالصالة شافنه ابتسم ..
1
-عمر: شلونج ام سراج
1
ابتسمت وانه اعيش شعور الوحدة من يكلولها ام فلان ..
2
-غرام: الحمدلله
دخل ارسلان وبايده كومة غراض صارت عيونه على سراج هم ابتسم حط الاغراض واجه اخذه مني شاله يبوس بيه ..
-ارسلان: ولك شنو انتَ حلقوم
-عمر: همزين خالي مو هنا جان ضل يصيح ويكول عوفو
- خالك مثل الماشايف
7
ضميت ضحكتي ارسلان يذب الحجاية تفطس بس مايضحك كعد وبايده ابني أشرلي على الاغراض الي بالباب ..
2
-ارسلان: ذني اغراض جبناهن السراج انه وعمر
- ليش زحمتو نفسكم خويه والله صارت عنده اهوايه شغلات حتى احتار وين احطهن
باسه بخده على كيفه ويحجي ويايه ..
- خلي يكبر بعد ونسويله غرفة وحدة ويصير زلمه حاله من حالنه
1
- ان شاء لله يوم الي انشوف ابنك بحضنك
رفع راسه نضراته قهرتني ..
- اذا مو من الي يريدها گلبي ماريد
33
- ان شاء لله ماكو شي بعيد عن رب العالمين
عفتهم يلعبون وياه هاي اذا ينجمعون كلهم ابني اضل مادري عنه شي رغم صغير بس ارسلان يعرف شلون يهتم بيه ويشيله مرات الكاه حتى منومه وعمر سوده عليه شابع تكفخ منه ومن كُميل بس يتقرب للولد ويلزمه ..
11
حطيت الاغراض بالكنتور ورجعت يمهم ناز حاضنها عمر ويسولف وياها وهيه مبرطمه تباوع الارسلان عضيت شفتي من حسيتها غارت لان حاط سراج بحضنه رحت اله اخذه منه لاخطيه تنقهر ..
-غرام: ارسلان انطينياه خلي احطه بمكانه دامه نام
-ارسلان: لا عوفي بحضني خاف يكعد بس تاخذي
استحيت منه شلون اوصله الفكرة علمود ناز ..
- احم .. لا خلي انومه شوف ناز
باوع الـ ناز شافها مبرطمه بزعل وعمر يضحك ..
- هاا ايييي هاج ابنج شنو هاي يشلع الگلب دهاج هاج
19
ضحكت خذيته منه ووهَوُ راح الها يراضي بيها وعمر صاير بس يحرك على العالم مافكت النونه اله راضاها اخذت ابني نومته بالغرفة سمعت صوت كُميل طفيت الضوء وطلعت بس شافني اجه باتجاهي لزم ايدي باسها كدامهم وجهي بوخ من الخجل اسحب بايدي وهَوُ لازمها كعدنه كلنه واجت مليكة كعدت ويانه الولد طلعو روحها بسوالفهم هذه الي يتحرش بيها وهذه الي يعض بخدودها ..
-مليكة: يمن فلك طركم ودهر اليدهركم
-ارسلان: والله لكيتلج رجل يستر عليج
18
- عمت عينك عفت شبابي واتزوج بكبرتي وشمالني ويستر عليه
- مليكة قلبي بعدج شباب جنج بنت السطعش مادري السبعطش تدكين الكاع برجلج تخسفيها
11
- عبنك تضل مسربت وزايعتك الكاع
حط راسه على رجلها مثل عادته مرات ..
- اليوم شفتها طالعه من الصالون بنت الكلب تشك شك طالعه والرايح والجاي يباوعلها
23
- ولك يمه عوف الفرخه ماتريدك چا هيه كوه
- ماعوفها نوب تريد تسافرر اخخخخ
رد عليه كُميل يحذر بيه ويحجي بجديه ..
-كُميل: ارسلان عوف البنيه هيه لو الها نفس بيك وتريدك چا ضلت عندك
- ماعووفها لو تنطبك السماء على الارض
4
-عمر: ياخي كافيك مشاكل ماتعبت
1
- لا هَوُ انه اشتري المشاكل مشترى بروحي
7
- ذاك اليوم شعندك ساحب مبلغ جبير شتسوي بيه
غمض عيونه ورد ببرود ..
- اشتريت بيت كبال بيتهم وسويتلهم سبرايز
31
كلنه ضلينه نباوعله صافنين وكف كُميل دفره برجله ..
-كُميل: شكوو رايح هناك
-ارسلان: اشتاق لطليقتي موبيدي
9
-عمر: انتَ تاليتك مكتول لو جوه ايدها لو جوه ايد ابوها ترا ابوها مايبلعك
1
- مايهمني
-مليكة: انتَ تروح هناك تضل تچوي بروحك كل ماشفتها
- هل المحامية چوت گلبي مليكة
-كُميل: لا تخليني اتبره منك ارسسلان
- انه مامسوي شي لحد الان وعايفها براحتها بس جاي اراقبها مامسوي شي
- كل هذه ومامسوي
- خالي خشمك لا تحشره بيه مالك علاقة
حجاها باستهزاء راد يروحله كُميل لزمته من ايده اتوسله بعيوني يعوفه لان ارسلان كلنه ندري بيه الي براسه يسوي وماياخذ بحجي احد ..
1
عشنه ايام وبالنه وياه جياته للبيت قلت ساكن البيت الي كبال اهل غياهب من ينزل مجاز من دوامه واذا يبقى عندنه واطلع صدفه بالليل الكاه مشغل نفس القصيدة ويجر بالتدخين حنين تباركتلها بالاتصال

6
-غرام: كموله وين صافن
-كُميل: اليوم سلطان خابرني وضل يعاتب لان ارسلان مشتري البيت الي كدامهم يكول انتهت بعد عليمن جاي يسوي هل السوالف
5
- يريد يرجع غياهب
- ماترجعله غرام وحتى لو فكرت ترجع ابوها ماراح يرضى انتِ ماشايفه شلون ابوها يكرهه
1
جاي ارد عليه صارت عيني على الباب شفت ناز دخلت للمطبخ بقيت اباوعلها غريب ماتدخل وحدها للمطبخ اله احد وياها ..
- هسه اجيك
- وين رايحه وانتِ عمليتج بعدها
- هنا للمطبخ والله ما اتأخر
طلعت من الغرفة واتسائل شتسوي داخله هيه ماتدخل المكان اله احد وياها غرفتها بالاكثر اله احد يروحلها يطلعها منها مادري ليش مارتاحيت دخلت للمطبخ ويا دخلتي انغرس شي بكتفي شهكت وصرخت متوجعه بألم
18
لزمت مكان الضربه درت بوجهي عيوني اتوسعت من شفتها ناز وبايدها سجينه رجفت بخوف صار ارسلان يم الباب اتوسعت عيونه بصدمه من الي جاي يشوفه ..
11
لزم ايدها ارسلان كوه اخذ منها السجينه رجعت لورا مرتديه دخل كُميل وصدمته ماتقل عنه لزمني بايده ويباوع مصدوم لـ ناز الواكفه وعبالك بغير عالم ..

للحكايا بقايا ..»